Ghjobba

Ghjobba hè un patriarca idumeu è l'eroe di u Libru di Ghjobba, libru di i Ketuvim di a Bibbia ebraica è classificatu da i cristiani trà i libri sapienziali di l'Anticu Tistamentu. L'equivalente arabu hè Ayoub (أيوب Ayyūb), a variante turca hè Eyüp, è u significatu di u so nome hè "perseguitu", chì "supporta l'avversità".

Ghjobba ripprisenta l'imaghjine di u ghjustu di u quale a fede hè messa à a prova da parte di Diu. I catolichi ne festighjeghjanu a santità u 10 maghju. Una moschea d'Istanbul porta stu nome, quellu di un cumpagnu di Magumettu mortu cumbattendu davante à a cità chì si chjamava à quellu tempu Custantinopuli. A dinastia di l'Ayyubidi fundata da u futuru sultanu Saladinu prese u propriu nome da u babbu di 'ssu persunaghju.