AB Volvo

AB Volvo

Enghraifft o:	commercial vehicle manufacturer, cwmni cyhoeddus, Aktiebolag, busnes
Dechrau/Sefydlu	1927
Prif weithredwr	Martin Lundstedt
Sylfaenydd	SKF
Gweithwyr	94,914
Isgwmni/au	Volvo Bussar, Volvo Trucks, Volvo (United States), Volvo (Canada), Volvo (Germany), Volvo Powertrain, Volvo Construction Equipment, Volvo Penta
Ffurf gyfreithiol	Aktiebolag
Cynnyrch	lori, bws, offer trwm
Pencadlys	Göteborg
Gwladwriaeth	Sweden
Gwefan	https://www.volvogroup.com/
Ffeiliau perthnasol ar Gomin Wicimedia

Mae'r erthygl hon yn sôn am y cwmni gwreiddiol AB Volvo, sy'n dal i gynhyrchu peiriannau trwm. Am y cwmni ceir, gweler Volvo Cars.

Cwmni cynhyrchu peiriannau trwm a cherbydau ydyw Volvo, Volvo Group, neu'n gyfreithiol: Aktiebolaget Volvo, a dalfyrir yn AB Volvo. Grwp o gwmniau ydyw mewn gwirionedd sydd a'i bencadlys yn Gothenburg, Sweden. Mae'r hyn a gynhyrchir ganddynt yn amrywiol iawn ac yn cynnwys cynhyrchu a gwerthu cerbydau o bob math, ond gan mwyaf yn rhai trwm fel bysiau, loriau a thryciau; mae'r cwmni hefyd yn cynhyrchu a gwerthu ceir. Yn ogystal â cherbydau, mae'n cynhyrchu peiriannau ac offer morwrol eraill a pheiriannau ac offer diwydiannol trwm.

Mae Volvo Cars (Volvo Personvagnar), fodd bynnag yn gwmni hollol ar wahân, ers 1999, pan gafodd ei werthu i Gwmni Cerbydau Ford. Yr unig ddau beth sy'n gyffredin rhwng y ddau gwmni yw eu bod yn rhannu'r un logo ac yn cydweithio drwy redeg amgueddfa.

Sefydlwyd y cwmni yn 1915 fel un o isgwmniau SFK, cwmni gwneud peli meteal (ball bearings). Ond mae'r ddau gwmni (Volvo Group a Volvo Cars) yn nodi'r dyddiad 14 Ebrill 1927 fel y dyddiad swyddogol, gan mai ar y dydd hwn y rhowliodd y car cyntaf o linell cynhyrchu'r ffatri yn Hisingen, Gothenburg.^[1] Mae'r adeilad yn dal yno (57°42′50″N 11°55′19″E / 57.71389°N 11.92194°E / 57.71389; 11.92194).

Ystyr Volvo ydy "Dw i'n rholio" yn Lladin, gan gyfeirio at y peli bach metal roedd y cwmni yn ei gynhyrchu. Cofrestrwyd yr enw 'Volvo' yn wreiddiol ar gyfer brand newydd o beli bach, ond defnyddiwyd 'SKF' yn y diwedd.

Yn 1924 cytunodd dau ddyn: Assar Gabrielsson, un o reolwyr gwerthiant SKF a'r peiriannydd Gustav Larson, i gynhyrchu car Swedaidd a fyddai'n addas ar gyfer ffyrdd ac amgylchedd oer y wlad.^[2]

Wedi cyfnod o flwyddyn o arbrofi gyda deg prototeip, cychwynwyd cynhyrchu car o fewn y cwmni SKF. Cofrestwryd yr isgwmni AB Volvo ar Gyfnewidfa Stoc Stockholm yn 1935 a gwerthodd SKF ei siars yn y cwmni. Yn 2007, dadgofrestrwyd Volvo o'r NASDAQ, ond mae'n parhau fel cwmni ar Gyfnewidfa Stoc Stockholm.^[3]

1. ↑ "Volvo's founders : Volvo Group – Global". Volvo. 14 Ebrill 1927. Archifwyd o'r gwreiddiol ar 2009-05-22. Cyrchwyd 12 Mehefin 2009.
2. ↑ "History time-line : Volvo Group – Global". Volvo. Archifwyd o'r gwreiddiol ar 2011-06-20. Cyrchwyd 12 Mehefin 2009.
3. ↑ "AB Volvo applies for delisting from Nasdaq". Forbes. 14 Mehefin 2007. Cyrchwyd 6 Tachwedd 2010.