Alice Through the Looking Glass

Alice Through the Looking Glass

Enghraifft o:	ffilm
Lliw/iau	lliw
Gwlad	Unol Daleithiau America
Dyddiad cyhoeddi	26 Mai 2016, 27 Mai 2016, 27 Mai 2016, 2 Mehefin 2016
Genre	ffilm ffantasi, ffilm a seiliwyd ar lenyddiaeth gynharach, ffilm dylwyth teg
Cyfres	Alice in Wonderland
Lleoliad y gwaith	Llundain
Hyd	113 munud
Cyfarwyddwr	James Bobin
Cynhyrchydd/wyr	Tim Burton, Joe Roth, Suzanne Todd, Jennifer Todd
Cwmni cynhyrchu	Walt Disney Pictures, Roth Films, Team Todd, Tim Burton Productions
Cyfansoddwr	Danny Elfman
Dosbarthydd	Walt Disney Studios Motion Pictures, Netflix, Disney+
Iaith wreiddiol	Saesneg
Sinematograffydd	Stuart Dryburgh
Gwefan	https://movies.disney.com/alice-through-the-looking-glass
Ffeiliau perthnasol ar Gomin Wicimedia

Ffilm ffantasi antur o'r Unol Daleithiau o 2016 yw Alice Through the Looking Glass a gyfarwyddwyd gan James Bobin, ysgrifennwyd gan Linda Woolverton a cynhyrchwyd gan Tim Burton, Joe Roth, Suzanne Todd a Jennifer Todd. Mae'n seiliedig ar y cymeriadau a grewyd gan Lewis Carroll ac yn ddilyniant i'r ffilm Alice in Wonderland a ryddhawyd yn 2010. Mae'r ffilm yn serennu Johnny Depp, Anne Hathaway, Mia Wasikowska, Matt Lucas, Rhys Ifans, Helena Bonham Carter a Sacha Baron Cohen ac yn cynnwys lleisiau Stephen Fry, Michael Sheen, Timothy Spall ac Alan Rickman, yn ei ran ffilm olaf.

Yn y ffilm, mae Alice yn dod o hyd i ddrych hudol sy'n ei chymryd nôl i Wlad Hud, lle mae'n canfod yr Hetiwr Gwallgof yn ymddwyn yn fwy gwallgof nac erioed ac yn eisiau darganfod y gwir am ei deulu. Mae Alice wedyn yn teithio drwy amser (gyda'r "Cronosffêr"), yn gweld ffrindiau a gelynion ar adegau gwahanol o'u bywydau, ac yn cychwyn ar ras i achub yr Hetiwr cyn i amser redeg allan.

Dangoswyd y ffilm gyntaf yn Llundain ar 10 Mai 2016 a fe'i ryddhawyd yn y sinemâu gan Walt Disney Pictures ar 27 Mai 2016. Cafodd y ffilm adolygiadau gwael gan y beirniaid ac ystyriwyd nad oedd wedi llwyddo cystal o ran gwerthiant tocynnau oherwydd y gymhariaeth gyda llwyddiant y ffilm gyntaf.