Arctic Monkeys

Arctic Monkeys

Enghraifft o:	band roc, band
Gwlad	y Deyrnas Unedig
Label recordio	Domino Recording Company
Dod i'r brig	2002
Dechrau/Sefydlu	2002
Genre	post-punk revival, roc amgen, roc indie, roc seicedelig, garage rock
Yn cynnwys	Alex Turner, Jamie Cook, Nick O'Malley, Matt Helders
Gwladwriaeth	y Deyrnas Unedig
Gwefan	http://arcticmonkeys.com, http://www.arcticmonkeys.com
Ffeiliau perthnasol ar Gomin Wicimedia

Band roc o Sheffield ydy'r Arctic Monkeys. Yr aelodau yw Alex Turner (Prif Ganwr a Gitar), Jamie Cook (Prif Gitar), Nick O'Malley (Gitar Bâs - aelod newydd, gan fod gitarydd bâs gwreiddiol y band, Andy Nicholson, wedi penderfynu gadael), a Matt Helder (Drymiau). Cafodd MySpace ddylanwad enfawr ar eu llwyddiant cynnar, ac aeth eu sengl cyntaf, 'I Bet That You Look Good On The Dancefloor' i rif 1 yn siartiau Prydain. Daeth llwyddiant pellach yn fuan wedyn, ar ôl i'w halbwm cyntaf, 'Whatever People Say I Am, That's What I'm Not', gyrraedd rhif 1 yn y Deyrnas Unedig, lle torrodd y record am y nifer a werthwyd yn yr wythnos gyntaf o werthiant. Enillodd yr albwm wobr Mercury Music yn 2006, fel yr albwm gorau'r flwyddyn. Hefyd enillodd yr albwm yn y categori 'Albwm Gorau' a'r band yn ennill y teitl 'Band Prydeinig Gorau' yn seremoni gwobrwyo'r BRITS yn 2007. Yn 2007 hefyd, rhyddhaodd y band eu hail albwm, 'Favourite Worst Nightmare', a gafodd ei enwebu am wobr Mercury Music yn 2007. Perfformiodd y band fel un o'r prif fandiau yng Ngwyl byd-enwog Glastonbury ym mis Mehefin 2007. Enillodd yr albwm y wobr am yr albwm gorau, ynghyd â'r wobr am y band gorau yng Ngwobrau'r BRITs yn 2008 am yr ail flwyddyn yn olynol. Cyfeirir at y band yn aml fel un o fandiau mwyaf poblogaidd y funud ac mae gwerthiant eu recordiau a'r gwobrwyon maent wedi ennill yn adlewyrchiad teg o hyn.