Blaenau Gwent (etholaeth seneddol)

Blaenau Gwent

Enghraifft o:	Etholaeth Senedd y Deyrnas Unedig
Daeth i ben	30 Mai 2024
Dechrau/Sefydlu	9 Mehefin 1983
Gwladwriaeth	y Deyrnas Unedig
Rhanbarth	Blaenau Gwent

Roedd Blaenau Gwent yn etholaeth seneddol i Dŷ'r Cyffredin yn Senedd y Deyrnas Unedig o 1983 hyd at 2024.

Cyfeirir yn aml at 'Flaenau Gwent' fel hen etholaeth Aneurin Bevan. Fodd bynnag, creuwyd yr etholaeth ym 1983, dair blynedd ar hugain wedi marwolaeth Bevan allan o'r rhan uchaf o hen etholaeth Abertyleri, tref Brynmawr o etholaeth Brycheiniog a Maeshyfed, a sedd Glyn Ebwy cyn sedd Bevan ac eithrio pentref Abertyswg. Cyn-arweinydd y Blaid Lafur Michael Foot, oedd Aelod Seneddol cyntaf yr etholaeth ym 1983.

Hyd at 2005 ystyrid yr etholaeth yn un o'r seddau Llafur mwyaf diogel yng ngwledydd Prydain ond bu anghydfod yn y Blaid Lafur leol ar ymddeoliad Llew Smith o'r Senedd. Penderfynodd y Blaid Lafur mai dim ond menywod oedd yn cael sefyll yn enw'r blaid ar gyfer y sedd. Ymddiswyddodd Aelod Cynulliad yr Etholaeth, Peter Law o'r Blaid Lafur fel protest yn erbyn y polisi menywod yn unig a safodd yn enw Llais Pobl Blaenau Gwent yn etholiad Cyffredinol 2005 gan gipio'r sedd a gwrthdroi mwyafrif o 60% i Lafur i 25% i Lais y Bobl.