 | |
| Math | pentref  |
|---|---|
| Daearyddiaeth | |
| Sir | Sir Gaerfyrddin |
| Gwlad |  Cymru |
| Cyfesurynnau | 51.95°N 4.15°W |
| Cod OS | SN525303 |
| Cod post | SA32 |
| Gwleidyddiaeth | |
| AS/au Cymru | Adam Price (Plaid Cymru) |
| AS/au y DU | Jonathan Edwards (Annibynnol) |
 | |
Pentref yng nghymuned Llanfihangel Rhos-y-corn, Sir Gaerfyrddin, Cymru, yw Brechfa.[1][2] Sair yng ngogledd y sir tua 7 milltir i'r gogledd-ddwyrain o dref Caerfyrddin, ar y B4310 tua hanner ffordd rhwng Nantgaredig a Llansawel. Gorwedda Brechfa ar lan Afon Pîb, un o ledneintau Afon Cothi, ger y man lle llifa Afon Marles (Marlais) i lawr o fryniau Llanfihangel-rhos-y-corn.
Enwir Coedwig Brechfa ar ei ôl. Mae Afon Cothi yn llifo heibio hanner milltir i'r dwyrain o'r pentref. Cysegrir eglwys Brechfa i Sant Teilo. Dyddia'r adeilad presennol i 1893 ond saif ar safle eglwys gynharach. Bu'r bardd ac arweinydd radicalaidd William Thomas (1834-1879) yn byw ym Mrechfa. Adwaenir ef yn well wrth ei enw barddol Gwilym Marles, ar ôl afon Marles.
Ceir llwybr beicio yno sy'n addas i ddechreuwyr a theuluoedd.
- ↑ "Rhestr o Enwau Lleoedd Safonol Cymru". Llywodraeth Cymru. 13 Hydref 2021.
- ↑ British Place Names; adalwyd 25 Chwefror 2022