Cynghrair Europa UEFA

Mae angen diweddaru'r erthygl hon. Gallwch helpu drwy newid yr erthygl i adlewyrchu digwyddiadau diweddar neu ychwanegu gwybodaeth newydd.

Cynghrair Europa UEFA

Ffurfiwyd	1971 (2009 yn ei ffurf bresennol)
Ardal	UEFA (Ewrop)
Nifer o dimau	48 (rownd y grwpiau) +8 clwb yn ymuno yn dilyn grwpiau Cynghrair y Pencampwyr 160 (cyfanswm)
Presennol	Atalanta (1af tro)
Clybiau mwyaf llwyddiannus	Sevilla (4 pencampwriaeth)
Gwefan	Gwefan swyddogol

Cystadleuaeth bêl-droed flynyddol i glybiau pêl-droed Ewrop sy'n cael ei threfnu gan UEFA yw Cynghrair Europa UEFA. Mae clybiau yn sicrhau eu lle yn y gystadleuaeth ar sail eu perfformiadau yn eu cynghreiriau a chwpanau cenedlaethol.

Fe'i hadnabyddwyd fel Cwpan UEFA tan 2009-10^[1] pan ad-drefnwyd y gystadleuaeth. Mae UEFA yn ystyried Cwpan UEFA a Chynghrair Europa UEFA i fod yr un gystadleuaeth.^[2].

Ym 1999 cafodd Cwpan Enillwyr Cwpanau Ewrop UEFA ei diddymu gydag enillwyr cwpanau cymdeithasau Ewrop yn sicrhau eu lle yng Nghwpan UEFA o 2000-01 ymlaen^[1] ac ers yr ailfrandio yn 2009, mae Tlws Intertoto UEFA hefyd wedi ei ddiddymu gyda'r gystadleuaeth yn cael ei huno gyda Chynghrair Europa.

Mae enillwyr Cynghrair Europa yn sicrhau eu lle yn rownd derfynol Super Cup UEFA ac ers 2014-15 mae'r enillwyr hefyd yn sicrhau eu lle yng Nghynghrair y Pencampwyr UEFA ar gyfer y tymor canlynol.

Mae'r tlws wedi ei godi gan 27 o glybiau gwahanol gyda 12 o'r rhain yn ennill y gystadleuaeth ar fwy nag un achlysur. Sevilla yw'r clwb mwyaf llwyddiannus ar ôl ennill y gystadleuaeth ar bedair achlysur^[3]

1. ↑ ^{1.0 1.1} "Uefa Cup given new name in revamp". 2008-09-26. Unknown parameter |published= ignored (help)
2. ↑ "New format provides fresh impetus". Unknown parameter |published= ignored (help)
3. ↑ "Sevilla out on their own in all-time standings". Unknown parameter |published= ignored (help)