Darjeeling

Darjeeling

Math	municipality of West Bengal, dinas fawr
Poblogaeth	118,805
Cylchfa amser	UTC+05:30
Daearyddiaeth
Sir	Darjeeling Sadar subdivision
Gwlad	India
Arwynebedd	10.57 km²
Uwch y môr	2,115 metr
Cyfesurynnau	27.0375°N 88.2631°E
Cod post	734101
Sefydlwydwyd gan	Cwmni India'r Dwyrain
Ffeiliau perthnasol ar Comin
[golygwch ar Wicidata]

Brynfa (hill-station) tua 6,700 troedfedd (2,037 m) uwch lefel y môr, wrth droed yr Himalaya ym mryniau Gorllewin Bengal, gogledd-ddwyrain India yw Darjeeling; mae'n golygu hefyd hefyd y rhanbarth o'r un enw, Darjeeling District, sy'n cynnwys tref Darjeeling ei hun, Kalimpong, Kurseong a Siliguri, gyda phoblogaeth o tua 1.4 miliwn (a'r mwyafrif yn byw yn Siliguri, wrth droed y bryniau).

Mae'r enw yn llygriad o'r enw Tibeteg Dorje-ling ("mangre'r taranfollt"). Mae mwyafrif y boblogaeth o dras Nepalaidd ac yn siarad Nepaleg. Ceir hefyd nifer sylweddol o ffoaduriaid Tibetaidd ynghyd â chanran isel o Fengalwyr a phobl o rannau eraill o India. Yn ogystal ceir rhai pobl Lepcha, trigolion brodorol Sikkim a'r cylch, yn byw yn y bryniau. Mae'r economi yn seiliedig ar dyfu te.