Dorothy Parker

Dorothy Parker
Ganwyd	Dorothy Rothschild  22 Awst 1893  West End
Bu farw	7 Mehefin 1967  Dinas Efrog Newydd
Dinasyddiaeth	Unol Daleithiau America
Alma mater	Miss Dana's School for Young Ladies
Galwedigaeth	colofnydd, bardd, sgriptiwr, llenor, beirniad llenyddol, newyddiadurwr, cyfansoddwr caneuon, dialogue writer
Cyflogwr	Life Vanity Fair The New Yorker Vogue
Arddull	barddoniaeth, dychan
Tad	Jacob Henry Rothschild
Priod	Alan Campbell
Gwobr/au	Gwobr O. Henry
Gwefan	https://dorothyparker.com/

Awdures a bardd o'r Unol Daleithiau oedd Dorothy Parker (22 Awst 1893 – 7 Mehefin 1967), a oedd mwyaf adnabyddus am ei hiwmor a'i ffraethineb ynghyd â'i sylwadau bachog am ffolineb yr 20g.

Ar ôl plentyndod trist a chythryblus, daeth Parker yn enwog am ei gweithiau llenyddol mewn cyhoeddiadau fel The New Yorker ac roedd yn un o'r bobl a sefydlodd y Algonquin Round Table, grŵp a gasaodd yn hwyrach yn ei bywyd. Pan chwalodd y cylch hwnnw, teithiodd Parker i Hollywood i ddilyn gyrfa fel sgriptiwr. Cafodd lwyddiant yno, gan gynnwys dau enwebiad am Wobrau'r Academi, ond daeth ei llwyddiant i ben o ganlyniad i'w gwleidyddiaeth adain chwith, a arweiniodd iddi gael ei rhoi ar restr ddu Hollywood.

Bu Parker yn briod deirgwaith, (dwywaith i'r un dyn) a goroesodd sawl ymgais i gyflawni hunanladdiad, ond daeth yn gynyddol ddibynol ar alcohol. Fodd bynnag, mae ei gweithiau llenyddol a'i ffraethineb wedi goroesi.