Doug Mountjoy

Doug Mountjoy
Ganwyd	8 Mehefin 1942  Sir Forgannwg, Tir-y-berth
Bu farw	14 Chwefror 2021
Dinasyddiaeth	Cymru
Galwedigaeth	chwaraewr snwcer, glöwr, hyfforddwr chwaraeon
Chwaraeon
Gwlad chwaraeon	Cymru

Roedd Doug Mountjoy (8 Mehefin 1942 – 14 Chwefror 2021)^[1] yn chwaraewr snwcer o Gymru.  Roedd yn y 16 uchaf yn ystod y 1970au a'r 1980au hwyr, ac enillodd bencampwriaeth y Meistri yn 1977, Pencampwriaeth y Deyrnas Unedig yn 1978 a'r Irish Masters yn 1979.  Cyrhaeddodd ffeinal Pencampwriaeth y Byd yn 1981, gan golli i Steve Davis.  Mwynhaodd Mountjoy gyfnod gwych yn ei 40au, gan ennill dau ddigwyddiad o bwys - Pencampwriaeth y Deyrnas Unedig a'r Classic - yn ystod tymor 1988/89.  Fe oedd y pumed yn y byd, sef yr uchaf iddo gyrraedd, yn ystod 1990/91.  Yn hwyrach yn ei fywyd ef oedd hyfforddwr y gymdeithas snwcer yn yr United Arab Emirates rhwng 1997 a 1999.

1. ↑ Doug Mountjoy, un o oreuon snwcer Cymru, wedi marw , BBC Cymru Fyw, 14 Chwefror 2021.