Dumbarton

Dumbarton

Math	tref, large burgh
Poblogaeth	20,560
Daearyddiaeth
Sir	Gorllewin Swydd Dunbarton
Gwlad	Yr Alban
Cyfesurynnau	55.9486°N 4.5472°W
Cod SYG	S20000466, S19000557
Cod OS	NS397759
Cod post	G82
Ffeiliau perthnasol ar Comin
[golygwch ar Wicidata]

Tref yng Ngorllewin Swydd Dunbarton, yr Alban, yw Dumbarton^[1] (Gaeleg yr Alban: Dùn Breatann, "Caer y Brythoniaid";^[2] Sgoteg: Dumbartoun neu Dumbertan;^[3] Cymraeg: Din Alclud,^[4] Caer Alclud). Fe' lleolir ar lan ogleddol Afon Clud, tua 13 milltir (21 km) o ganol dinas Glasgow.

Hi yw canolfan weinyddol Gorllewin Swydd Dunbarton. Roedd y boblogaeth yn 2001 yn 20,550. Ar un adeg roedd adeiladu llongau yn ddiwydiant pwysig iawn yma; yn Dumbarton er enghraifft yr adeiladwyd y Cutty Sark, sydd yn awr yn Greenwich, Llundain. Yn ddiweddarach daeth cynhyrchu chwisgi yn bwysig. Erbyn hyn, mae llawer o'r boblogaeth yn gweithio yn Glasgow yr ochr draw i'r afon.

Nodwedd fwyaf trawiadol y dref yw Castell Dumbarton, ar Graig Dumbarton uwchben y dref. Yma yn y cyfnod wedi ymadawiad y Rhufeiniaid yr oedd caer Alt Clut (Allt Clud mewn Cymraeg Diweddar), prif lys teyrnas Frythonig Ystrad Clud yn yr Hen Ogledd.

1. ↑ British Place Names; adalwyd 9 Hydref 2019
2. ↑ Gwefan Ainmean-Àite na h-Alba; adalwyd 9 Hydref 2019
3. ↑ "Names in Scots", Centre for the Scots Leid; adalwyd 14 Ebrill 2022
4. ↑ Geiriadur yr Academi, s.v. "Dumbarton"