Harrison Birtwistle

Harrison Birtwistle
Ganwyd	15 Gorffennaf 1934  Accrington
Bu farw	18 Ebrill 2022  Mere
Label recordio	Deutsche Grammophon
Dinasyddiaeth	Lloegr
Alma mater	Yr Academi Gerdd Frenhinol Coleg Cerdd Brenhinol Manceinion
Galwedigaeth	cyfansoddwr, athro cerdd, cyfansoddwr cerddoriaeth ffilm
Cyflogwr	Coleg y Brenin Yr Academi Gerdd Frenhinol
Arddull	opera
Gwobr/au	‎chevalier des Arts et des Lettres, Gwobr Grawemeyer, Wihuri Sibelius Prize, Ernst von Siemens Music Prize, Grawemeyer Award for Music Composition, Cydymaith Anrhydeddus, Marchog Faglor, Royal Philharmonic Society Award (Chamber-Scale Composition), Royal Philharmonic Society Award (Large-Scale Composition), Royal Philharmonic Society Award (Large-Scale Composition), Royal Philharmonic Society Award (Chamber-Scale Composition), Royal Philharmonic Society Award (Chamber-Scale Composition)

Cyfansoddwr Seisnig oedd Syr Harrison Birtwistle (15 Gorffennaf 1934 – 18 Ebrill 2022). Mae'n arbennig o adnabyddus am ei operâu. Gall ei gerddoriaeth gain fod yn anghyseinedd ac yn heriol ond mae hefyd yn cael effaith emosiynol bwerus.^[1]

Fe'i ganwyd yn nhref Accrington, Swydd Gaerhirfryn. Ym 1952 enillodd ysgoloriaeth fel clarinetydd i Goleg Cerdd Brenhinol Manceinion, ble ffurfiodd grŵp a ymddiddorai mewn cerddoriaeth gyfoes gyda Peter Maxwell Davies, Alexander Goehr, Elgar Howarth a John Ogdon. Wedyn cwblhaodd ddwy flynedd o Wasanaeth Cenedlaethol gyda'r Magnelwyr Brenhinol fel aelod o seindorf filwrol. Roedd yn gyfarwyddwr cerddoriaeth yn Ysgol Cranbourne Chase, Dorset, o 1962 i 1965, cyn ennill Cymrodoriaeth Harkness i astudio ym Mhrifysgol Princeton, Unol Daleithiau America. O 1975 hyd 1983 roedd yn gyfarwyddwr cerddoriaeth i'r Theatr Genedlaethol, Llundain. Cafodd ei urddo'n farchog ym 1988.

1. ↑ Allen, David (18 April 2022). "Harrison Birtwistle, Fiercely Modernist Composer, Dies at 87". The New York Times (yn Saesneg). Cyrchwyd 18 Ebrill 2022.