Howard Hawks

Howard Hawks
Ganwyd	30 Mai 1896  Elkhart County
Bu farw	26 Rhagfyr 1977  Palm Springs
Dinasyddiaeth	Unol Daleithiau America
Alma mater	Prifysgol Cornell Coleg Peirianneg Prifysgol Cornell Phillips Exeter Academy Polytechnic School Pasadena High School
Galwedigaeth	sgriptiwr, cynhyrchydd ffilm, cyfarwyddwr ffilm, actor, hedfanwr, golygydd ffilm, cynhyrchydd, cyfarwyddwr, llenor
Tad	Frank Winchester Hawks
Mam	Helen Howard
Priod	Athole Shearer, Slim Keith, Dee Hartford
Plant	Kitty Hawks, David Hawks, Barbara Hawks, Gregg Hawks
Gwobr/au	Gwobr Anrhydeddus yr Academi, seren ar Rodfa Enwogion Hollywood

Cyfarwyddwr, cynhyrchydd a sgriptiwr ffilmiau o'r Unol Daleithiau yn ystod Oes Aur Hollywood oedd Howard Winchester Hawks (30 Mai 1896 – 26 Rhagfyr 1977). Dywedodd y beirniad Leonard Maltin taw Hawks yw'r "cyfarwyddwr Americanaidd gorau nad yw'n enw cyfarwydd".^[1]

Cyfarwyddwr eang ei faes oedd Hawkes a greodd ffilmiau mewn amryw o fathau: comedi, drama, trosedd a gangsteriaid, gwyddonias, film noir, a'r Gorllewin Gwyllt.^[2] Ymhlith ei ffilmiau poblogaidd mae Scarface (1932), Bringing Up Baby (1938), Only Angels Have Wings (1939), His Girl Friday (1940), To Have and Have Not (1944), The Big Sleep (1946), Red River (1948), The Thing from Another World (1951), a Rio Bravo (1959). Rhoddid ei enw ar fath o gymeriad benywaidd bengaled a chadarn ei hiaith, "y ddynes Hawksaidd".^[2]

Cafodd Hawks ei enwebu am Wobr yr Academi am y Cyfarwyddwr Gorau ym 1942 am ei ffilm Sergeant York, ac ym 1975 enillodd Wobr yr Academi er Anrhydedd am fod yn "wneuthurwr ffilmiau Americanaidd â'i ymdrechion creadigol yn uchel eu parch yn sinema'r byd".^[3] Cafodd ddylanwad ar gyfarwyddwyr o fri megis Martin Scorsese, Robert Altman, John Carpenter, a Quentin Tarantino.

1. ↑ Crouse, Richard. "Reel Winners: Movie Award Trivia" (Dundurn, Hydref 2005), t. 250. ISBN 978-1-55002-574-3 Adalwyd ar 26 Gorffennaf 2016.
2. ↑ ^{2.0 2.1} Wheeler Winston Dixon and Gwendolyn Audrey Foster, A Short History of Film (New Brunswick, NJ: Rutgers University Press) p. 99—101. ISBN 978-0-8135-4270-6.
3. ↑ "Awards." IMDb. Retrieved: July 1, 2016.