| Iolo Williams | |
|---|---|
 | |
| Ganwyd | 22 Awst 1962  Llanfair-ym-Muallt |
| Man preswyl | Powys |
| Dinasyddiaeth |  Cymru |
| Alma mater | |
| Galwedigaeth | cyflwynydd, adaregydd, cyflwynydd teledu, swolegydd, llenor |
| Cyflogwr | |
| Gwefan | http://www.iolowilliams.co.uk/ |
Naturiaethwr a chyflwynydd teledu o Gymru ydy Iolo Tudur Williams (ganwyd 22 Awst 1962, Llanfair ym Muallt). Mae'n adnabyddus am gyflwyno rhaglenni natur ar sianeli BBC ac S4C. Dechreuodd gyflwyno rhaglenni ar BBC Cymru yn 1997. Roedd cyfres Birdman 2001 ar BBC Two yn dilyn ei waith fel swyddog RSPB
Treuliodd dri mis cyntaf ei fywyd ym mhentref Beulah cyn i'w dad gael swydd fel prifathro yn Ysgol Gynradd Eglwys Wen Sir Benfro. Dychwelodd y teulu i Bowys pan oedd Iolo'n bump oed a magwyd ef yn Llanwddyn. Mynychodd Ysgol Gynradd Efyrnwy Llanwddyn cyn mynd i Ysgol Uwchradd Llanfyllin. Yno astudiodd Ffrangeg a Bioleg ar gyfer lefel A cyn astudio Ecoleg yn Llundain. Wedyn bu'n gweithio ar fferm am wyth mis ac yn y diwydiant coed am gyfnod. Cafodd swydd fel swyddog RSPB yn 1985 a treuliodd yr 14 mlynedd ganlynol yn gweithio dros yr elusen.
Yng Ngorffennaf 2003, cerddodd 270 milltir o ogledd Cymru i'r de mewn 11 diwrnod er mwyd codi arian i'r elusennau plant, Tŷ Hafan a Tŷ Gobaith.
Roedd Iolo Williams yn wyneb ar gyfer ymgyrch hybu darllen, Diwrnod y Llyfr yn 2004.[1]
Erbyn hyn mae Iolo Williams yn byw ym mhentref Llandysul, ger y Drenewydd.[2]