Jelly Roll Morton

Jelly Roll Morton
Llun gyhoeddusrwydd o Jelly Roll Morton (tua 1927).
Ffugenw	Jelly Roll Morton
Ganwyd	Ferdinand Joseph LaMothe  20 Hydref 1890  New Orleans
Bu farw	10 Gorffennaf 1941  o asthma  Los Angeles
Label recordio	Vocalion
Dinasyddiaeth	Unol Daleithiau America
Arddull	jazz
Gwobr/au	Gwobr Grammy am Gyraeddiadau Gydol Oes, Rock and Roll Hall of Fame

Cyfansoddwr, pianydd, a blaenwr band Americanaidd oedd Jelly Roll Morton (Ferdinand Joseph La Menthe; 20 Hydref 1890 – 10 Gorffennaf 1941) a fu'n un o brif arloeswyr cerddoriaeth jazz. Cychwynnodd canu'r piano mewn putendai yn New Orleans yn ei ieuenctid, ac arbrofodd yn gynnar â ffurfiau newydd jazz drwy gyfuno ragtime â'r felan. Recordiodd yn gyntaf ym 1923, ac o 1926 i 1930 perfformiodd ar rai o'r recordiadau jazz cynharaf gyda'i fand, y Red Hot Peppers. Er nad oedd ei honiad o "ddyfeisio jazz" yn wir, efe oedd y cyntaf i ddefnyddio effeithiau rhagdrefnedig a lled-gerddorfaol mewn perfformiadau gan fandiau jazz.

Oddeutu 1917, symudodd i dalaith Califfornia, a pherfformiodd mewn clybiau nos nes 1922. Bu farw yn Los Angeles, Califfornia.

Ymhlith ei gyfansoddiadau o nod mae "Wolverine Blues", "Black Bottom Stomp", "King Porter Stomp", "Shoe Shiner’s Drag", a "Dead Man Blues".