| John Roose Elias | |
|---|---|
| Ganwyd | 9 Rhagfyr 1819  |
| Bu farw | 19 Ionawr 1881 |
| Dinasyddiaeth |  Cymru |
| Galwedigaeth | bardd |
| Tad | David Elias |
Bardd a beirniad llenyddol a ysgrifennai yn Gymraeg a Saesneg oedd John Roose Elias (9 Rhagfyr 1819 – 19 Ionawr 1881), a ysgrifennai wrth yr enw barddol Y Thesbiad. Roedd yn nai i'r pregethwr enwog John Elias (1774–1841).
Brodor o Fryn-du, Ynys Môn ydoedd. Yn ddyn ifanc aeth i weithio yn siopau masnachwyr Cymreig yn ninasoedd Lerpwl a Manceinion, yng ngogledd-orllewin Lloegr. Dychwelodd i Fôn yn 1856 gan sefydlu busnes ym mhentref Pentraeth, lle bu aros am weddill ei oes.
Fel llenor cyfrannodd nifer fawr o erthyglau i gylchgronau, yn y ddwy iaith, ar lenyddiaeth, pynciau cymdeithasol a gwleidyddiaeth y cyfnod. Cafodd enw am fod yn feirniad craff.
Cyhoeddodd nifer o gerddi, yn Gymraeg a Saesneg, ond dim ond un gyfrol o'i waith, Llais o'r Ogof (1877).