Kama Sutra

Llyfr Hindu o ogledd India a sgwennwyd oddeutu'r 3g ydy'r Kama Sutra (Sansgrit: कामसूत्र)^[1][2] Mae'r testun Sanskrit yn cael ei gyfri'n bwysig ac yn unigryw, gan ei fod yn sôn am ymddygiad rhywiol pobol. Cafodd y llyfr ei ysgrifennu gan Vātsyāyana ac mae rhan ohono'n disgrifio cyfathrach rhywiol, serch a chariad. Yn ôl y llyfr, mae cyfathrach rywiol yn cael ei ddiffinio fel "undeb duwiol" ac nid oedd yr awdur Vatsyayana yn gweld unrhywbeth drwg amdano.

Yma ac acw mae na gerddi, ond rhyddiaith ydy mwyafrif y gwaith. 'Llinell' neu 'edau' ydy ystyr "sūtra" a "Kāma" ydy nod yr Hindw mewn bywyd, sydd hefyd yn golygu 'atyniad rhywiol'. Canllaw ydy o felly, am gariad, serch a phleserau'r corff.^[3][4]

Y Kama Sutra ydy'r hynaf o sawl llyfryn mewn casgliad sy'n cael ei alw'n Kama Shastra (Sanskrit: Kāma Śāstra).^[5]

Mae haneswyr yn mynegi i'r gwaith gael ei ysgrifennu rhwng 400 CC a 200 OC.^[6] Yn ôl yr hanesydd John Keay cafodd y casgliad yma sy'n cynnwys y Kama Sutra ei sgwennu yn yr 2g.^[7]

Yn 1883 y cyhoeddwyd y Kama Sutra am y tro cyntaf i'r Saesneg; y cyfieithydd oedd Richard Francis Burton. Erbyn heddiw mae llawer o fersiynau wedi cael eu creu yn ogystal â fersiynau ar ffilm.^[8] Roedd y llyfr o flaen ei amser gan ei fod yn derbyn cyfathrach rhwng pobl hoyw yn hollol naturiol, heb unrhyw ragfarn ac am ryw y tu allan i briodas neu gan dri pherson (gweler y llun).

1. ↑ Doniger, Wendy (2003). Kamasutra – Oxford World's Classics. Oxford University Press. t. i. ISBN 978-0-19-283982-4. The Kamasutra is the oldest extant Hindu textbook of erotic love. It was composed in Sanskrit, the literary language of ancient India, probably in North India and probably sometime in the third century
2. ↑ Coltrane, Scott (1998). Gender and families. Rowman & Littlefield. t. 36. ISBN 978-0-8039-9036-4.
3. ↑ Carroll, Janell (2009). Sexuality Now: Embracing Diversity. Cengage Learning. t. 7. ISBN 978-0-495-60274-3.
4. ↑ Devi, Chandi (2008). From Om to Orgasm: The Tantra Primer for Living in Bliss. AuthorHouse. t. 288. ISBN 978-1-4343-4960-6.
5. ↑ For Kama Sutra as the most notable of the kāma śhāstra literature see: Flood (1996), tud. 65.
6. ↑ Sengupta, J. (2006). Refractions of Desire, Feminist Perspectives in the Novels of Toni Morrison, Michèle Roberts, and Anita Desai. Atlantic Publishers & Distributors. t. 21. ISBN 9788126906291. Cyrchwyd 7 Rhagfyr 2014.
7. ↑ John Keay (2010). India: A History: from the Earliest Civilisations to the Boom of the Twenty-first Century. Grove press. tt. 81–103.
8. ↑ Camacho.com.mx