Lustmord

Lustmord
Ffugenw	Lustmord, Arecibo, Dread, Isolrubin BK
Ganwyd	9 Ionawr 1964  y Deyrnas Unedig, Llundain
Man preswyl	Los Angeles
Label recordio	Hydra Head Records, Soleilmoon Recordings
Dinasyddiaeth	y Deyrnas Unedig
Galwedigaeth	cyfansoddwr, sound designer, cyfansoddwr cerddoriaeth ffilm, llenor, athro ysgol uwchradd, cerddor
Arddull	dark ambient
Gwefan	https://www.lustmord.com

Mae Brian Williams yn un o’r cyfansoddwyr Cymreig cyfoes mwyaf llwyddiannus, yn gweithio fel cyfansoddwr sgoriau ffilm a theledu yn Hollywood a dylunydd sain gemau cyfrifiaduron.

O dan yr enw Lustmord mae Williams wedi rhyddhau nifer fawr o recordiau gan gael y clod am fod yn sylfaenydd y genre dark ambient.

Dechreuodd wneud gerddoriaeth ym Mangor yn 1980 gydag Alan Holmes. Dewisodd yr enw Lustmord am ei brosiectau cerddorol ac wedyn symudodd i Lundain ble anogwyd yn y dyddiadau cynnar gan aelodau Throbbing Gristle, cyn ymuno’r grŵp Awstraliaid ‘industrial’, SPK.^[1]

O dan y prosiect Lustmord mae Williams wedi gwneud recordiadau maes mewn cryptau, ogofâu a lladd-dai, ac wedi eu cyfuno â swynganeuon seremonïau a gwyntoedd. Mae ei driniaethau o ffenomenau acwstig sy'n cael eu trin yn ddigidol, gan greu sain ddofn a tharanllyd, yn rhoi awyrgylch tywyll i'w gerddoriaeth.

Mae Williams hefyd wedi cyfrannu at 44 o draciau sain ffilm Hollywood (yn fwyaf nodedig The Crow ac Underworld). Mae hefyd wedi creu’r sain ar gyfer nifer o gemau cyfrifiaduron.

Ymddangosodd yn fyw gyntaf yn ei yrfa 25 mlynedd fel rhan o seremoni enfawr a drefnwyd gan Eglwys Satan, a gynhaliwyd ar 6-6-06. Dywedodd Williams fod y cynnig yn "un o'r pethau oedd yn rhy ddoniol i ddweud 'na'!". Perfformiodd Lustmord am yr eildro mewn 29 mlynedd yng Ngŵyl Unsound Kraków ar 22 Hydref 2010.^[2][3]

Dychwelodd i Gymru ym mis Tachwedd 2018 i berfformio yng Nghanolfan Gelfyddydau Pontio Bangor fel rhan o’r ŵyl Psylence.^[4]

1. ↑ https://thequietus.com/articles/18402-lustmord-interview
2. ↑ https://www.residentadvisor.net/features/1579
3. ↑ https://web.archive.org/web/20100709153846/http://unsound.pl/en/general/news/show/lustmord-to-perform-for-the-second-time-in-29-years-at-unsound-festival-krakow
4. ↑ Taflen cyhoeddusrwydd Gŵyl Psylence, Canolfan Gelfyddydau Pontio, Bangor, Tachwedd 2018