Owain Arwel Hughes

Owain Arwel Hughes
Ganwyd	21 Mawrth 1942  Cymru
Dinasyddiaeth	Cymru
Alma mater	Prifysgol Caerdydd Y Coleg Cerdd Frenhinol Ysgol Uwchradd Howardian
Galwedigaeth	arweinydd, llenor, hunangofiannydd
Gwobr/au	CBE

Arweinydd cerddorfa o Gymru yw Owain Arwel Hughes, CBE (ganwyd 21 Mawrth 1942).

Ganwyd Hughes yn Ton Pentre, Rhondda, yn fab i'r cerddor ac arweinydd llwyddiannus Arwel Hughes. Mynychodd Ysgol Uwchradd Howardian Caerdydd, Prifysgol Caerdydd a'r Coleg Cerddoriaeth Brenhinol yn Llundain. Astudiodd arwain cerddorfa o dan Syr Adrian Boult, Bernard Haitink a Rudolf Kempe.^[1][2]

Daeth yn adnabyddus ar ôl perfformiad cyffrous ar deledu o Belshazzar’s Feast gan William Walton, a enillodd ganmoliaeth y cyfansoddwr ei hun. Yn ddiweddarach cyflwynodd cyfres ar y BBC The Much-Loved Music Show. Mae wedi gwneud sawl recordiad yn cynnwys gweithiau Requiem Verdi a Messiah gan Handel. Mae wedi hyrwyddo cyfansoddwyr llai cyfarwydd, yn cynnwys cylch cyfan o symffoniau gan y cyfansoddwr Danaidd Vagn Holmboe.

Mae Hughes wedi bod yn Gadeirydd y Llywodraethwyr yn Ysgol John Lyon, Harrow. Mae;n briod i Jean ers dros 40 mlynedd ac mae ei fab Geraint Hughes yn gyn-ohebydd chwaraeon i BBC News ac yn gweithio ar hyn o bryd i Sky Sports.

1. ↑ "Conductor Owain Arwel Hughes publishes his autobiography" (yn Saesneg). Wales Online. 14 Medi 2012. Cyrchwyd 31 Hydref 2014.
2. ↑ "Owain Arwel Hughes" (yn Saesneg). BBC.