| Owain Gwynedd | |
|---|---|
| Ganwyd | 1540s  |
| Bu farw | 1601 |
| Galwedigaeth | bardd |
| Blodeuodd | 1550 |
- Am y tywysog o'r 12fed ganrif, gweler Owain Gwynedd.
Bardd Cymraeg oedd Owain Gwynedd (tua 1545 - 1601). Roedd yn un o benceirddiaid olaf cyfnod Beirdd yr Uchelwyr.
Yn ôl pob tebyg, roedd Owain yn fab i Syr Ifan o Garno, bardd-glerigwr o ardal Maldwyn, Powys. Fe'i ganed tua'r flwyddyn 1545. Bu'n un o ddisgyblion barddol Gruffudd Hiraethog a daeth yntau'n athro barddol yn ei dro. Enillodd drwydded pencerdd yn Eisteddfod Caerwys 1567. Bu farw yn 1601.
Cerddi mawl i uchelwyr ei fro enedigol yw trwch y cerddi ganddo sy'n goroesi ar glawr. Ceir pum awdl, 96 cywydd a 12 englyn ganddo yn y llawysgrifau. Yn ogystal â cherddi mawl traddodiadol ceir cywyddau gofyn, ymddiddan ac ymryson hefyd.