Back پى. جيه. او'رورك ARZ P. J. O’Rourke German P. J. O'Rourke English P. J. O'Rourke Spanish پاتریک جی ارورکه Persian P. J. O’Rourke Finnish P. J. O'Rourke French P.J. O'Rourke Dutch P.J. O’Rourke NB P. J. O'Rourke Portuguese
| P. J. O'Rourke | |
|---|---|
 P. J. O'Rourke yn 2007. | |
| Ganwyd | 14 Tachwedd 1947  Toledo |
| Bu farw | 15 Chwefror 2022 Sharon |
| Dinasyddiaeth | Unol Daleithiau America |
| Alma mater |
|
| Galwedigaeth | newyddiadurwr, llenor, dychanwr |
| Gwefan | http://www.pjorourke.com |
Dychanwr, newyddiadurwr, ac awdur gwleidyddol o'r Unol Daleithiau oedd Patrick Jake O'Rourke (14 Tachwedd 1947 – 15 Chwefror 2022).
Yn ystod ei yrfa, bu'n brif olygydd y National Lampoon, prif gylchgrawn hiwmor yr Unol Daleithiau yn y 1970au, ac yn gyfrannwr rheolaidd i Rolling Stone. Ysgrifennodd hefyd ar gyfer llu o gyhoeddiadau eraill, gan gynnwys The Atlantic Monthly, The American Spectator, a The Weekly Standard. Cyhoeddwyd rhyw ugain o gyfrolau o'i ysgrifau, erthyglau, a chroniclau ar grwydr.
Yn ei ieuenctid bu'n rhan o wrthddiwylliant y 1960au, ac yn fuan trodd at wleidyddiaeth yr adain dde. Pwysleisiai unigolyddiaeth yn ei ysgrifau, a byddai'n cael ei ystyried yn un o ladmeryddion y tueddiad rhyddewyllysiol yn y Blaid Weriniaethol. Bu'n aelod o'r Cato Institute, melin drafod ryddewyllysiol.