Partit dels Socialistes de Catalunya

Partit dels Socialistes de Catalunya
Sbaeneg	Partido de los Socialistas de Cataluña
Cymraeg	Plaid Sosialaidd Catalwnia
Llywydd	Ángel Ros
Ysgrifennydd cyffredinol	Miquel Iceta
Sefydlwyd	16 Gorffennaf 1978 (1978-07-16)
Unwyd gyda	Plaid Sosialaidd Catalwnia (Cyngres) • Plaid Sosialaidd Catalwnia (Atgynulliad) • Ffederasiwn Catalan y PSOE
Pencadlys	c/ Nicaragua, 75–77 08029 Barcelona
Papur	Endavant Digital
Asgell yr ifanc	Ieuenctid Sosialaidd Catalwnia
Rhestr o idiolegau	Democratiaeth Sosialaidd
Sbectrwm gwleidyddol	Canol-chwith
Plaid yn y DU	Partido Socialista Obrero Español Plaid Sosialaidd Gweithwyr Sbaen

Plaid gyda'i hegwyddorion yn ddwfn mewn democratiaeth sosialaidd yw Partit dels Socialistes de Catalunya (Sbaeneg: Partido de los Socialistas de Cataluña, Cymraeg: Plaid Sosialaidd Catalwnia acronym swyddogol: PSC-PSOE ). Mae'n ganlyniad i uno tair plaid yn 1978: Partit Socialista de Catalunya-Reagrupament PSC–R, y Partit Socialista de Catalunya–Congrés, PSC–C a'r Federació Catalana del PSOE, FSC, sef y fersiwn Catalonaidd o Blaid Sosialaidd Gweithwyr Sbaen a'i gangen Val d'Aran ("Dyffryn Aran").

Mae llawer o bolisiau'r 'PSC-PSOE' yn cyd-fynd gydag annibyniaeth i Gatalwnia ar ffurf ffederal a chyda polisiau cenedlaetholgar. Yr ardaloedd cryfaf o ran aelodaeth yw ardaloedd dinesig Tarragonès, Montsià, a Val d'Aran. Yn Etholiad Cyffredinol Catalwnia, 2017 cipiodd y blaid 16 sedd: 605,844 o bleidleisiau (12.7%).

O 1979 ymlaen roedd yn un o bleidiau cryfaf Catalwnia yn yr etholiadau sirol, rhanbarthol, Ewropeaidd a Chyffredinol, ond yn llai llwyddiannus yn Etholiadau Senedd Catalwnia.

Yn 1999 roedd ganddi 52 o seddi ond collwyd llawer yn y blyndyddoedd dilynol, a chafwyd cryn anghytundeb ynghylch faint o annibyniaeth y dylent ymgyrchu drosto gyda rhai yn mynnu creu Llywodraeth Ffederal ac eraill yn credu mewn annibyniaeth lwyr.