Back Pen-caer Breton Pencaer CEB Pencaer English Pencaer Basque Pencaer French Pen-caer Irish Pen-caer Scots/Gaelic Pen-caer KW Pencaer Swedish Pencaer ZH-MIN-NAN
| Math | cymuned  |
|---|---|
| Poblogaeth | 417 |
| Daearyddiaeth | |
| Sir | Sir Benfro |
| Gwlad |  Cymru |
| Cyfesurynnau | 52.02°N 5.01°W |
| Cod SYG | W04000462 |
| Gwleidyddiaeth | |
| AS/au Cymru | Paul Davies (Ceidwadwyr) |
| AS/au y DU | Stephen Crabb (Ceidwadwr) |
 | |
- Erthygl am y gymuned yw hon. Am y cwmwd canoloesol gweler Pen Caer (cwmwd).
Cymuned yng ngogledd-orllewin Sir Benfro, Cymru, yw Pen-caer[1], weithiau Pencaer neu Pen Caer. Saif i'r gorllewin a'r gogledd-orllewin o Wdig ger Abergwaun. Mae ei harwynebedd yn 3,588 hectar.
Daw enw'r gymuned o enw penrhyn Pen Caer, sy'n cynnwys Pen Strwmbl (Saesneg: Strumble Head). Nid oes unrhyw bentref mawr o fewn y gymuned, y mwyaf yw Tremarchog (St Nicholas) gyda phoblogaeth o ychydig dros 50, gydag aneddiadau gwasgaredig yn Llanwnda, Llangloffan, Trefaser a Treopert (Granston). Mae'r rhan arfordirol o'r gymuned yn rhan o Barc Cenedlaethol Arfordir Penfro ac mae Llwybr Arfordir Sir Benfro yn arwain trwyddi.
Ceir cromlechi neolithig yn Llanwnda a Thremarchog a dwy fryngaer o'r Oes Haearn uwchben Pwll Deri. Ceir carreg Ogham yn Eglwys Tremarchog.
Ger Carregwastad yn 1797 y bu glaniad y Ffrancod.
Cynrychiolir yr ardal hon yn Senedd Cymru gan Paul Davies (Ceidwadwyr)[2] ac yn Senedd y DU gan Stephen Crabb (Ceidwadwr).[3]
- ↑ Defnyddir sillafiad safonol Cymdeithas Enwau Lleoedd Cymru a Gwyddoniadur Cymru (Gwasg Prifysgol Cymru, 2008), tud. 699
- ↑ "Gwefan Senedd Cymru". Archifwyd o'r gwreiddiol ar 2021-11-10. Cyrchwyd 2021-11-10.
- ↑ Gwefan Senedd y DU