Sarah Bernhardt

Sarah Bernhardt
Ganwyd	Sara Marie Henriette Bernhardt  23 Hydref 1844  Paris
Bu farw	26 Mawrth 1923  o wremia  Paris, 17fed arrondissement Paris
Dinasyddiaeth	Ffrainc
Alma mater	Conservatoire national supérieur d'art dramatique
Galwedigaeth	actor llwyfan, actor ffilm, dawnsiwr, llenor, actor, arlunydd, cerflunydd
Swydd	Sociétaire o'r Comédie-Française
Tad	Edouard Bernhardt
Mam	Judith-Julie Bernardt
Priod	Jacques Damala
Partner	Samuel Pozzi
Plant	Maurice Bernhardt
Gwobr/au	Officier de la Légion d'honneur, seren ar Rodfa Enwogion Hollywood
llofnod
Delwedd:Signature de Sarah Bernhardt.png, Sarah Bernhardt signature droite.svg

Actores o Ffrainc oedd Sarah Bernhardt (22 Hydref 1844 – 26 Mawrth 1923). Daeth yn enwog trwy Ewrop yn y 1870au, ac ymledodd ei henwogrwydd i'r Unol Daleithiau hefyd.

Ganed hi yn ninas Paris fel Marie Henriette Bernardt, yn ferch i Julie Bernardt a thad oedd efallai o'r Iseldiroedd. Roedd ei thaid, Moritz Bernardt, yn fasnachwr Iddewig yn Amsterdam.

Dechreuodd actio yn 1862 pan oedd yn astudio yn y Comédie-Française. Er mai actio ar y llwyfan yr oedd yn bennaf, gwnaeth nifer o recordiadau o ddialogau o ddramau; y cynharaf oedd darlleniad o Phèdre gan Jean Racine, yng nghartref Thomas Edison yn Efrog Newydd yn y 1880au. Roedd yn un o arloeswyr y ffilmiau distaw, gan berfformio mewn ffilm am y tro cyntaf fel Hamlet mewn ffilm ddau funud o hyd yn 1900.

Yn 1905, anafodd ei choes tra'n perfformio yn Rio de Janeiro, ac yn 1915 bu raid torri'r goes ymaith, ond parhaodd i berfformio. Bu farw yn 1923, a chladdwyd hi ym Mynwent Père Lachaise, Paris.