Talacre

Talacre
Math	pentref
Daearyddiaeth
Sir	Llanasa
Gwlad	Cymru
Cyfesurynnau	53.3512°N 3.3191°W
Cod OS	SJ122846
Gwleidyddiaeth
AS/au Cymru	Hannah Blythyn (Llafur)
AS/au y DU	Rob Roberts (Ceidwadwyr)
	Ffeiliau perthnasol ar Comin
	[golygwch ar Wicidata]

Pentref yng nghymuned Llanasa, Sir y Fflint, Cymru, yw Talacre.^[1]^[2] Saif ym mhen gogleddol eithaf y sir ar yr arfordir ar lan orllewinol Glannau Dyfrdwy, fymryn i'r de o'r Parlwr Du, a thua hanner ffordd rhwng Prestatyn i'r gorllewin a Ffynnongroyw i'r dwyrain. Mae ganddo draeth tywodlyd a sawl maes carafan gerllaw.

Tu ôl i'r pentref cyfyd bryniau cyntaf Bryniau Clwyd, gan ffurfio ymyl ddwyreiniol Dyffryn Clwyd. Ceir goleudy i'r gogledd o'r pentref, ger y Parlwr Du.

Mae Rheilffordd Arfordir Gogledd Cymru yn mynd heibio hanner milltir i'r de o'r pentref, ar y lôn iddo o bentref Gwesbyr, ond does dim gorsaf yno.

Cynrychiolir yr ardal hon yn Senedd Cymru gan Hannah Blythyn (Llafur)^[3] ac yn Senedd y DU gan Rob Roberts (Ceidwadwyr).^[4]