Walts

Dawns neuadd a ddatblygodd o'r Ländler yn y 18g yn yr Almaen ac Awstria yw'r walts^[1][2] neu'r wals.^[2]

Prif nodwedd y walts yw troedio, llithro, a throedio mewn amser triphlyg tra'n cylchdroi. Yn ei dyddiau cynnar, roedd y walts yn sioc ac yn codi gwrychyn rhai cymdeithasau o fewn Ewrop gan yr anghenraid i gyplau gofleidio'i gilydd yn glos. Ond erbyn y 19g, hon oedd y ddawns neuadd fwyaf poblogaidd, a pharhaodd ei bri drwy'r 20g.^[3]

Ymhlith y cyfansoddwyr clasurol a gyfansoddodd waltsiau mae Frédéric Chopin, Pyotr Ilyich Tchaikovsky, Johann Strauss I a Johann Strauss II.

1. ↑ Gwall cyfeirio: Tag <ref> annilys; ni roddwyd testun ar gyfer 'ref' o'r enw GPC
2. ↑ ^{2.0 2.1} Griffiths, Bruce a Jones, Dafydd Glyn. Geiriadur yr Academi (Caerdydd, Gwasg Prifysgol Cymru, 1995 [argraffiad 2006]), t. 1637 [waltz].
3. ↑ (Saesneg) waltz (dance). Encyclopædia Britannica. Adalwyd ar 20 Ionawr 2015.