Y Senotaff, Llundain

y Senotaff

Math	cofeb ryfel
Ardal weinyddol	Dinas Westminster, Llundain
Sefydlwyd	1919
Daearyddiaeth
Sir	Llundain Fwyaf (Sir seremonïol)
Gwlad	Lloegr
Cyfesurynnau	51.50269°N 0.12608°W
Cod OS	TQ3015979858
Statws treftadaeth	adeilad rhestredig Gradd I
Manylion
Deunydd	Carreg Portland
Ffeiliau perthnasol ar Comin
[golygwch ar Wicidata]

Cofeb ryfel yn Whitehall, Llundain, yw'r Senotaff (Saesneg: Cenotaph, o'r gair yn iaith Roeg am fedd gwag).^[1] Mae'n coffáu'r milwyr Prydeinig a fu farw yn y Rhyfel Byd Cyntaf a'r rhyfeloedd ers hynny. Dyma ganolbwynt y seremoni coffáu gwladol a gynhelir yn flynyddol ar Sul y Cofio. Fe'i cynlluniwyd gan y pensaer Syr Edwin Lutyens mewn pythefnos yng Ngorffennaf 1919, ar gyfer pen-blwydd y Cadoediad. Pren a phlastr oedd deunyddiau'r cofeb dros dro hon; adeiladwyd fersiwn carreg parhaol yn y flwyddyn olynol.^[2] Mae'r cynllun wedi bod yn ddylanwadol iawn ar gofadeiladau ledled y byd; ceir fersiynau ohono yn Awstralia, Bermuda, Canada, Hong Kong a Seland Newydd. Mae fersiwn bychan ohono a godwyd ym 1924, eto i gynlluniau Lutyens, ym Marics Maendy, Caerdydd.^[3]

1. ↑ (Saesneg) The Cenotaph. National Heritage List for England. English Heritage. Adalwyd ar 7 Tachwedd 2014.
2. ↑ (Saesneg) The Cenotaph. Veterans UK. Adalwyd ar 7 Tachwedd 2014.
3. ↑ Newman, John (1995). Glamorgan. The Buildings of Wales. Llundain: Penguin. t. 287.CS1 maint: ref=harv (link)