Y Gronfa Ffederal

Y Gronfa Ffederal

Math	banc canolog
Sefydlwyd	23 Rhagfyr 1913
Sefydlydd	Robert Latham Owen
Cadeirydd	Jerome Powell
Pencadlys	Eccles Building
Is gwmni/au	Bwrdd Cyfarwyddwyr y Gronfa Ffederal
Gwefan	https://www.federalreserve.gov/

Banc canolog Unol Daleithiau America yw'r Gronfa Ffederal (System y Gronfa Ffederal neu y Grondrefn Ffederal^[1] yn llawn; Saesneg: Federal Reserve System). Gweithredydd ariannol y llywodraeth ffederal yw'r Gronfa Ffederal, a'i swyddogaethau yw gwarchod cyfrifon wrth gefn y banciau masnachol, i fenthyg arian i fanciau masnachol, ac i oruchwylio'r cyflenwad arian ar y cyd â Bathdy yr Unol Daleithiau.

Crewyd gan Ddeddf y Gronfa Ffederal a luniwyd gan Robert Latham Owen ac a arwyddwyd gan yr Arlywydd Woodrow Wilson ar 23 Rhagfyr 1913. Rhennir y system yn 12 o Fanciau'r Gronfa Ffederal sy'n gyfrifol am wahanol ranbarthau'r wlad. Mae hefyd yn cynnwys Bwrdd y Llywodraethwyr, Pwyllgor Ffederal y Farchnad Agored, a'r Biwro Amddiffyn Prynwyr Ariannol.

1. ↑ Geiriadur yr Academi, [federal: Federal Reserve System].