Ynys Macquarie

Ynys Macquarie

Math	ynys
Enwyd ar ôl	Lachlan Macquarie
Poblogaeth	20
Cylchfa amser	UTC+10:00
Daearyddiaeth
Gwlad	Awstralia
Arwynebedd	128 km²
Uwch y môr	260 metr
Gerllaw	Y Cefnfor Tawel
Cyfesurynnau	54.63°S 158.86°E
Hyd	34 cilometr
Statws treftadaeth	Safle Treftadaeth y Byd, listed on the Australian National Heritage List
Manylion
Ffeiliau perthnasol ar Comin
[golygwch ar Wicidata]

Ynys yn ne-orllewin y Cefnfor Tawel, tua hanner ffordd rhwng Seland Newydd a'r Antarctig yw Ynys Macquarie. Mae'n cael ei llywodraethu fel rhan o Tasmania, Awstralia, ers 1880. Mae'n Warchodfa Talaith Tasmania ers 1978 a daeth yn Safle Treftadaeth y Byd UNESCO yn 1997.

Darganfuwyd yr ynys anghyfannedd ar 11 Gorffennaf 1810 gan Frederick Hasselborough, hawliodd Ynys Macquarie i Brydain a'i hatodi i wladfa De Cymru Newydd yn yr un flwyddyn. Fe'i henwyd ar ôl Lachlan Macquarie, Rhaglaw De Cymru Newydd o 1810 hyd 1821.^[1]

Trwy gydol y flwyddyn, mae'r ynys yn gyforiog o fywyd gwyllt. Yma y mae dyfroedd llawn maetholion Cefnfor y De yn cwrdd â dyfroedd gogleddol cynhesach, gan ffurfio mannau bwydo cyfoethog a gwneud y lle yn hafan i bengwiniaid, morloi ac adar y môr fyw a bridio.^[2]

1. ↑ "Jarvis, George (1790–1825)". Australian Dictionary of Biography (yn Saesneg). National Centre of Biography, Australian National University.
2. ↑ "Macquarie Island Research Station", Australian Antarctic Program; adalwyd 24 Ionawr 2024