Back Walisisches Alphabet German Alphabet gallois French Walesi ábécé Hungarian Alphabetum Cambricum Latin Велшка азбука Macedonian Alfabet walijski Polish Алифбои уэлсӣ Tajik
Cerdyn yr wyddor Gymraeg o'r 19g, sy'n dangos y priflythrennau.
Cerdyn sy'n dangos y llythrennau bychain, y llythrennau italaidd, yr wyddor blith-draphlith, y llafariaid, a'r cytseiniaid.
Ffurf ar yr wyddor Ladin a ddefnyddir i ysgrifennu'r iaith Gymraeg yw'r wyddor Gymraeg. Mae ganddi 28 o lythrennau, fel a ganlyn:
| Priflythrennau | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| A | B | C | Ch | D | Dd | E | F | Ff | G | Ng | H | I | L | Ll | M | N | O | P | Ph | R | Rh | S | T | Th | U | W | Y |
| Llythrennau bychain | |||||||||||||||||||||||||||
| a | b | c | ch | d | dd | e | f | ff | g | ng | h | i | l | ll | m | n | o | p | ph | r | rh | s | t | th | u | w | y |
Erbyn heddiw cydnabyddir j hefyd yn llythyren yr wyddor gan lawer o ramadegwyr. Fe'i defnyddir mewn geiriau benthyg.
Defnyddir k a z mewn geiriau megis Kantaidd a Zwinglïaidd sy'n seiliedig ar enw person[1], ond ni chânt eu cyfri fel rhan o'r wyddor Gymraeg fel arfer.
Mae a, e, i, o, u, w, y yn llafariaid. Gall i ac w fod yn gytseiniaid hefyd megis yn iâ neu galwad.
- ↑ k. Geiriadur Prifysgol Cymru. Adalwyd ar 22 Hydref 2024.