Ginumogor Pogun Sabah 2015

Ginumogor pogun Sabah 2015

UTC time	??
Duration	30 saat
Magnitude	6.0 magnitud (USGS) 5.9 magnitud (MetMalaysia)
Depth	10.0 km (USGS)
Epicenter	5°58′48″N 116°31′30″E / 5.980°N 116.525°E / 5.980; 116.525[1]
Areas affected	Pantai Kabaatan (kinoyonon Nulu Kinabalu), Sabah, Malaysia Kotonobon
Total damage	Korumbakan bongunan om infrastruktur, notuhan om kosimbanan geologi
Max. intensity	VII (Ologod kopio)
Aftershocks	33 (pada 7 Jun 2015)
Casualties	18 napatai 10 notogu

Ginumogor Pogun Sabah 2015 kinokoriso' 6.0 tipong Richter nopo nga nokoontok id posorili Ranau, Sabah di jaam 7.15 kosuabon, antakan tadau Kurudu di 5 Mahas 2015.^[1] Longkod Ginumogor Pogun om Tsunami Nasional nopo nga pinapalapur do gogor diri nopo nga noroso id toinsanan kinoyonon id Sabah kohompit no id Tambunan, Tuaran, Pedalaman, Kota Kinabalu , Kota Belud, Inanam, Kota Marudu, Kudat, Likas, Penampang, Putatan, Kinarut, Papar, Beaufort, Keningau, Sandakan, Kunak, Tawau, Labuan, Lawas, Limbang, Miri id Sarawak om Bandar Seri Begawan id Brunei.^[2] Kinoyonon diti nopo nga id 5.1 Koibutan om 16.6 Kotonobon. Ginumogor di sumusuhut nopo nga nokoindalan soginumu 47 miampai 2.2 gisom 3.3 skala richter.^[3]

Jabatan Meteorologi Malaysia minomisunud do mogigion id Ranau, Sabah montok mogintong-gintong tu kiwaa 10 po o gumogor sumusuhut. Tulun ginumuan nogi nga pinapaatod do gambal limput BSN id Ranau i nababak om piintangan nogi o bongunan-bongunan suai. Pongarah Longkod Gogor om Tsunami (Met Malaysia), Dr Wan Azli Wan Hassan pinopoilo do gumogor diti nopo nga piintangan nogi.^[4][5]

Montiri Kotombuluyan, Koubasanan om Posorili pogun, i Datuk Masidi Manjun pinopootus do watu om bongkah di ogumu i naratu id Ranau om Nulu Kinabalu nopo nga mantad do gogor diri. Sulap-sulap tutumakad id Pana Laban om Gunting Lagadan nopo nga norumbak tomod. Ikon Tolingo Keldai id Nulu Kinabalu nogi nga norumbal. Mantad di, pinoundorong ngawi o aktiviti tumakad id nulu diri.^[6]

Surupu Geologi Amerika Syarikat nopo nga pinopootus do aiso tsunami toi ko' korumbakan di agayo kopio. Kinoyonon diti nogi nga poinlongkod id korolomon 10 km mantad kakadayan Ranau om 54 km mantad kakadayan Kota Kinabalu. Malaysia nopo kopio daa nga poimbibas mantad do gumogor, suai ko' i di toun 1981. Au poinsuang o Malaysia id Lingkaran Api Pasifik. Lingkaran diti kohompit no Lautan Pasifik, pogun sampaping miagal do Filipina om Indonesia. Nulu Kinabalu nopo nga iso kawo gunung lipat muda i poimpasi o nulu kitapui om gumogor pogun.^[7]

Tan Sri Muhyiddin Yassin pinopoilo do 23 sikul kohompit no do 16 Sikul Kabansaan, onom Sikul Manangah Kabansaan om iso Sikul Kawo Kabansaan Sina id watas Ranau, Tuaran, Kota Belud, Penampang, Nabawan om Keningau. Jabatan Pondidikan Sabah nogi nga pinapalapur do haro kinaantakan do napayang toi ko' nobabak o bongunan sikul, kuarters mongingia', ralan om nogi nakabing o tana.^[8]

1. ↑ ^{1.0 1.1 1.2} "M6.0 - 12km WNW of Ranau, Malaysia". United States Geological Survey. 5 June 2015. Linoyog ontok 6 June 2015.
2. ↑ BERNAMA (5 Mahas 2015). "Gempa bumi: Aktiviti mendaki Gunung Kinabalu dibatal". Utusan Malaysia (id boros Malayu). Pinoopi mantad sand̠ad ontok 12 Mansak 2018. Linoyog ontok 26 Magus 2024.
3. ↑ Penduduk Sabah usah panik - MetMalaysia
4. ↑ Gempa Sabah: Penduduk Ranau dinasihatkan berwaspada terhadap gegaran susulan
5. ↑ Gempa 6.0 magnitud landa Ranau, Sabah
6. ↑ "Shedding new light on recent Sabah earthquake". Nanyang Technological University. June 2015. Pinoopi mantad sand̠ad ontok 21 May 2016. Linoyog ontok 6 June 2015.
7. ↑ Strong 6.0-magnitude quake strikes Sabah
8. ↑ 23 sekolah di enam daerah terjejas akibat gempa bumi di Sabah - Tan Sri Muhyiddin