Pulou Sebatik

Pulou Sebatik

Native name: Pulau Sebatik
Kopokitanan mantad tawan do wayaan sumuang kumaa Cowie Bay. Id ponolikudon do Pulou Sebatik. Id pogulu, misampaping do rahat Kakadayan Tawau. Naanu mantad kapal tulud, i kumaa do kotonobon.
Pata i popokito do Pulou Sebatik om pialatan do Indonesia–Malaysia i momutul dau. Pulou Nunukan nopo nga poinladsong id sudut kabaatan kotonobon do pata.
Geography
Location	Rahat Celebes
Coordinates	4°10′02″N 117°47′02″E / 4.16722°N 117.78389°E / 4.16722; 117.78389
Archipelago	Malay Archipelago
Area	452.2 km2 (174.6 sq mi)[1][2]
Administration
Malaysia
Negeri	Sabah
Boogian	Boogian Tawau
Indonesia
Provinsi	Koibutan Kalimantan
Regensi	Regensi Nunukan
Demographics
Population	25,000 (Malaysian side) 47,571 (Indonesian side)[3]

Pulou Sebatik nopo nga pulou i poinladsong id labus do kotogisan kosilahon Borneo, opiduo do Indonesia om Malaysia. Pulou diti nopo nga iso mantad 92 pulou poinlisok i nakatayad miampai rasmi id Indonesia.

Ginayo do Sebatik nopo nga lobi kuang 452.2 square kilometres (174.6 sq mi).^[1][2] Sinodu minimum id pialatan do Pulou Sebatik om Borneo nopo nga lobi kuang 1 kilometre (0.62 mi).^[4]

Pulou Sebatik nopo nga poinladsong id piolitan do Teluk Cowie (otutunan nogi sabaagi do Teluk Tawau) id koibutan om Teluk Sibuku id ponong kabaatan. Kakadayan tokoro Tawau, Sabah, nopo nga poinladsong id koibutan. Nopiduo o pulou diti lobi kuang 4° 10' koibutan miampai piolitan do Indonesia–Malaysia – boogian koibutan nopo nga sanganu do Sabah, Malaysia (Sebatik Malaysia) om ponong kabaatan nopo nga sanganu do Kalimantan Utara (pogulu nopo nga Kalimantan Timur), Indonesia (Sebatik Indonesia).

Sebatik Malaysia nopo nga kipopulasi lobi kuang 25,000; hinonggo soginumu 47,571 tulun id Sebatik Indonesia maamaso Bancian 2020.^[3][5]

Pialatan sompomogunon i tinanda' id pialatan do Malaysia om Indonesia nopo nga id tisan ponong kosilahon Pulou Sebatik, gisom kosongonuan do Batu Unarang om kinoyonon maritim i poinladsong id ponong kosilahon do Sebatik nopo nga au otolinahas.^[6] Iti no iso sabap nokuro kinoyonon waig id wilayah do Ambalat om deposit miak mata id kosilahon do Pulou Sebatik nopo nga nokosiliu do longkod pioduhan maritim i aktif montok do Indonesia om Malaysia mantad po di Gomot 2005. Kohouron do piolitan id tisan kosilahon nogi nga papasabap do pioduhan kokomoi duo pulou miinsomok, Sipadan om Ligitan. Koduo-duo pulou diti nopo nga poinladsong id kabaatan 4° 10' U nga todbiron do Malaysia. Pioduhan do wilayah diti nopo nga notingkod soira tinahak do Mahkamah Keadilan Antarabangsa o koduo-duo pulou diti kumaa Malaysia di toun 2002.^[6]

Sundung pia haro o mantatamong pialatan id pulou diti, aiso upis imigresen, aiso walai kastam, aiso tansar dawai kisulu om aiso limput di manalob do pialatan. Rinumpu konkrit di nolitan id monikid kilometer mantad kosilahon kumaa kotonobon no ponokobukti do pialatan dii.^[7]

Pulou Sebatik nopo nga iso kinoyonon hinonggo pisangadan tagayo nokoindalan montod susumangod Indonesia om susumangod Malaysia maamaso Konfrontasi Indonesia–Malaysia 1963.

Syarikat North Borneo Timbers nopo nga popoindalan do konsesi mongingkayu id pulou diti gisom toun 1980-an om kogumuan do kukumaraja ekspatriat dau nopo nga poingion id suang do komuniti di poinggonop id Wallace Bay. Sebatik Malaysia nopo nga poinladsong id suang do boogian pontadbiran Tawau. Montok tudu do pomilian raya, poinladsong o Sebtaik id suang do kinoyonon parlimen Kalabakan om watas DUN Sebatik.

Sitangkai Indonesia (i bobos tosomok) nopo nga lobi kuang 175 kilometres (109 mi) kumaa Sitangkai, Tawi-Tawi, Filipina, titik koduo bobos tosomok mantad koduo-duo pogun kalapas pulou Miangas id Sulawesi Koibutan.^[8]

1. ↑ ^{1.0 1.1} "ISLAND DIRECTORY". UN System-wide Earthwatch Web Site.
2. ↑ ^{2.0 2.1} Sovereignty over Pulau Ligitan and Pulau Sipadan (Indonesia/Malaysia), DA Colson - American Journal of International Law, 2003]
3. ↑ ^{3.0 3.1} Tawu City Website, article: Universiti Malaysia Sabah will set up a base station at Sebatik Island to facilitate studies on sea mammals in the surrounding waters here. Archived 2 Gumas 2008 at the Wayback Machine
4. ↑ Sovereignty over Pulau Ligitan and Pulau Sipadan (Indonesia/Malaysia), DA Colson - American Journal of International Law, 2003
5. ↑ Badan Pusat Statistik, Jakarta, 2021.
6. ↑ ^{6.0 6.1} Ambalat: A Spatial Perspective, by I. Made Andi Arsana of The School of Surveying and Spatial Information Systems, The University of New South Wales, 2005.
7. ↑ Blog 2005
8. ↑ See distance calculator at www.daftlogic.com