Back 23 Paces to Baker Street AN 23 Paces to Baker Street Welsh 23 Schritte zum Abgrund German 23 Paces to Baker Street English ۲۳ قدم تا خیابان بیکر Persian À vingt-trois pas du mystère French 23 Paces to Baker Street ID 23 passi dal delitto Italian 23 Paces to Baker Street Dutch
|
C'l artìcul chè 'l è scrit in
Miranduléś |
 23 Paces to Baker Street
| ||
| 23 passi dal delitto | ||
 Van Johnson e la Vera Miles in na figùra dal film | ||
| 23 pas da 'l delìt 1956 | ||
|---|---|---|
| Regìa: Henry Hathaway | ||
| Scritōr: Nigel Balchin • Philip MacDonald | ||
| Atōr: Van Johnson • Vera Miles • Patricia Laffan Cecil Parker • Maurice Denham • Estelle Winwood | ||
| Müsica: Leigh Harline | ||
| Léngua: Ingléś | ||
| Dürä dal film: 103 minüt | ||
| Nasiōṅ: Stat Unî | ||
23 passi dal delitto (23 pas da 'l delìt) 'l è 'n film śal americàṅ dal 1956 'd Henry Hathaway trat da 'l rumànś ad Philip MacDonald.
'L è stâ girâ a Lóndra c'n un budget 'd un migliòṅ ad dòlar 'd in alóra.
Sunt
Phil Hannon (Van Johnson) 'l è 'n scritōr americàṅ ad cupiòṅ p'r al teàtar ch'l è armàś órub dòp 'n incidènt. Da cal mumènt lè al s è mulâ cun la sò muróśa, la Jean Lennox (Vera Miles), e 'l è andâ a star a Lóndra par lavōr. In cà a gh dà na maṅ Bob Matthews (Cecil Parker) ch'l al juta in di fat ad tut i dè.
Na sira, méntar 'l è drē a tōr quèl da bévar a 'l bar, al sènt par caś dū parsòni, un sèrt Evans e na badànta, ch'i dascóran 'd un tragatèṅ diśunèst ch'i gh'aṅ da mét'r i pē p'r al déś dal méś. In fiṅ ch'al gh 'l à in mènt 'l óm al regìstra su di nàst'r al batùdi ch'i s èṅ dit pò al ciàma la pulisìa par mét'r-i 'n guàrdia. Purtròp par lò 'l ispetōr Grovening (Maurice Denham) al la tōś tròp dōlsa in fiṅ tant ch'la badànta, la Janet Murch (Natalie Norwick), la vîṅ catàda mòrta masàda.
Phil, insém a la Jean, i próan a far luś su 'l caś in prima parsòna e i faṅ finta 'd avér biśógn dna badànta. L'agensìa ch'la dava lavōr a la sgnōra Murch la gh manda na scuséśa dimóndi arcmandàda, l’Alice MacDonald (Patricia Laffan), ch'la dróa 'l stés parfùm custóś che Phil 'l iva sintî a 'l bar da chi dū là. In cal mént'r a sparìs na baghéta da famìja argintìna cun di bèsi in vacànsa in dla capitàł ingléśa.