Back Blizzard of Ozz Czech Blizzard of Ozz German Blizzard of Ozz Greek Blizzard of Ozz English Blizzard of Ozz Spanish Blizzard of Ozz Estonian Blizzard of Ozz Finnish Blizzard of Ozz French Blizzard of Ozz Croatian Blizzard of Ozz Hungarian

Blizzard of Ozz

C'l artìcul chè 'l è scrit in Miranduléś Emiliàn


«
Voyeur straining in love with his hand, a poison passion, a pulsating gland, no bone movies, no bone movies, no bone movies, I shouldn't do it, the guilt tells me why, I just can't stop it, I try and I try, X-rated demon that lives in my head hungry for bodge and he wants to be fed.»
(EN)(No Bone Movies, 1980)
«
Un guardòṅ fadigâ e in amōr cun la sò maṅ, na pasiòṅ a 'l vlèṅ, na giàndla ch'la tampla, gnint film pòran, gnint film pòran, gnint film pòran, a n gh'iva mia da far-al, al sèns ad cólpa a m diś al parchè, 'l è sōl ch'a n pòs minga muclàr-la, a gh próv dimóndi, un dèmun vietâ a i minōr ch'al viṿ in dla mè tèsta, inśgōrd ad purcarìi, al vōl gh'a gh daga da magnàr.»
(MUD)
Blizzard of Ozz
1980
Ozzy Osbourne
Tip 'd àlbum: Studi
Gènar: Heavy metal
Etichéta: Epic Records
Num'r ad braṅ: 9
Duràda: 39:19 minùt
Sìngui: Crazy Train • Mr. Crowley
Sucesìṿ: Diary of a Madman


Blizzard of Ozz (Sfùlmin ad néṿ 'd Ozz) 'l è 'l prim àlbum in studi 'd Ozzy Osbourne, vgnû fóra dòp ch'l éra stâ licensiâ da i Black Sabbath. 'L è stâ publicâ in dal Setémbar dal 1980 e 'l à vindû da piò ad déś migliòṅ ad còpi in tut al mónd.

Al tìtul al fà 'l vèrs a 'l rumànś “Al mâg 'd Oz” (Wizard of Oz in uriginàł) e 'l è anc al nóm che Ozzy al vliva dar a 'l sò grup a 'l inìsi.

Al pès Suicide Solution al gh'à purtâ dimóndi prubléma parchè in dal 1984 òṅ di sò sustenidōr, John McCollum, un ragàs ad dasnóṿ an, al s éra tirâ na sćiuptàda in sal grugn méntar 'l éra drē a scultàr cla canta lè c'n un walkman a gl'uréci. La "Institute for Bio-Acoustics Research Inc.", na dita specialiśàda in dal catàr i sòṅ, l'iva purtâ avànti l'idéa ch'ad dènt'r a cal braṅ lè a gh fus na fraś ch'la psiva dar di cuć a tōr-as la vita, "Why Try? Why Try? Get the gun and try it! Shoot! Shoot! Shoot!" (Parcòsa pruvàr? Parcòsa pruvàr? Tó la pistòla e próv'la! Spara! Spara! Spara!). Ozzy al s éra diféś dgénd che la canta l'éra stada scrita pinsànd a 'l cantànt di AC/DC Bon Scott, mòrt imbariàg soquànt méś prima astufgâ pròpria da 'l sò gòmit e minga par cunvìnsar la gint a cupàr-as. I genitōr dal ragàs però i aṅ purtâ listés lò e la sò cà discugràfica, la CBS, in tribunàł. Al 19 ad Dicémbar dal 1986 al giùdas John L. Cole al 'l à mandâ asòlt parchè, par la léǵ americàna, a n s pōl minga èsar cundanâ par na sò òpra 'd artìsta.

Braṅ

  1. I Don't Know (Osbourne, Rhoads, Daisley) - 5:16
  2. Crazy Train (Osbourne, Rhoads, Daisley) - 4:50
  3. Goodbye to Romance (Osbourne, Rhoads, Daisley) - 5:33
  4. Dee (Rhoads) - 0:50
  5. Suicide Solution (Osbourne, Rhoads, Daisley) - 4:16
  6. Mr. Crowley (Osbourne, Rhoads, Daisley) - 4:55
  7. No Bone Movies (Osbourne, Rhoads, Daisley, Kerslake) - 3:52
  8. Revelation (Mother Earth) (Osbourne, Rhoads, Daisley) - 6:08
  9. Steal Away (The Night) (Osbourne, Rhoads, Daisley) - 3:28

Bonus Tracks par 'l edisiòṅ dal 2001 rimasteriśàda

  2. You Lookin' At Me Lookin' At You (Osbourne, Rhoads, Daisley) - 4:16

Furmasiòṅ

From Wikipedia, the free encyclopedia · View on Wikipedia

Developed by Nelliwinne