Boris Cyrulnik

C'l artìcol chè 'l è scrit in Carpśàn

Boris Cyrulnik (Bordó, 26 ed lùi 1937) 'l è 'n nevropsichiàtra francéś.

Diretōr senior 'd insgnamèint dal diplòma universitàri (DU) in "Clinique de l'attachement et des systèmes familiaux" a l'universitê ed Sud-Toulon-Var, Cyrulnik 'l è cgnusû più che èter per avér bèin spieghê cuś l'è la «reśiglièinsa» (al naser incòr na volta da 'l só pròpi patimèint) che lò 'l 'l à tolt fóra anc dai scrit ed John Bowlby. Cum al 'l à dìt anc chelò, Cyrulnik al cata che l'etologìa la staga da mêś a 'l spiegasiòun ed dimòndi ètri sièinsi umàni.

Biografìa

Fiōl ed na famìa ebrèa rùso-pulàca imigrèda in Fransa in di an Trèinta, da ragasōl Cyrulnik al cata la manéra, protèt da ginta amìga di ebrèi, 'd an finìr sòta el śgrinfi di naśìsta. Cum'anca lò al in descòr in dal só lìber "Autobiographie d'un épouvantail", chi avenimèint acsè gròs edla só infànsia, i gh'faràn fèr el só strèdi profesionèli e 'd stùdi.

Soquànt pinsér dal studiōś

Tùt i agìnt in dla só vìta normèla i s còunten la só avtobiografìa in na manéra ch'la cànbia a secònda ch'i sìen śóven o ch'i sìen più in là coi an. Quand i agìnt i lasen lè 'd guardèr ala descrisiòun edla só avtobiografìa, quand i n'gh'la chèven più ed fèr al còunt ed se stès, 'l è facil ch'i sìen stê travmatiśê, ch'i àpien incuntrê 'n avenimèint gròs e brut ch'al li tin bluchê lè a pinsèr sèinper a cl avenimèint lè. A biśgnarà catèr la manéra ch'i vègnen vìa da cal pinsér fìs lè e ch'i tachen incòr a guardèr ala só vìta ch'la và avànti, pasèr 'd sóver al brut avenimèint, e vìa che tut a cuntìnva a scòrer.

«

... nous avons, nous les humains, la liberté de remanier non pas le coup en lui-même mais sa représentation, l’idée que notre cerveau se fait du coup qu’on a reçu. Et le mot « représentation », je le propose au sens théâtral du terme. La personne qui produit un récit intime de ce qui lui est arrivé livre une représentation d’images et de mots. Quand ce récit est partagé avec quelqu’un, quand il est adressé à quelqu’un, il est structuré en fonction de la personne à qui on l’adresse pour en faire une pièce de théâtre, un roman, un film, un essai psychologique ou philosophique. Cette représentation d’images et de mots aide à exprimer le coup reçu dans le réel physique (une blessure physique, un accident), le réel psychologique (une agression sexuelle) ou le réel social (un génocide, une guerre, une précarité sociale). Mais certaines personnes ne remanient jamais la représentation du coup et restent prisonnières du passé. C’est ce qu’on appelle les syndromes psychotraumatiques. Elles ruminent sans cesse le malheur qui leur est arrivé, y pensent à longueur de temps dans la journée, et ça leur revient la nuit sous forme de cauchemar. Alors que ceux qui tentent et parviennent à remanier la représentation du coup par l’écriture, une mise en scène, un jeu théâtral, une élaboration psychologique, philosophique ou politique, s’entraînent à appréhender ce qui leur est arrivé d’une autre manière, se constituent un espace de liberté et mettent à distance le réel. La représentation permet de métamorphoser en production artistique une blessure qui a été réelle.»

(FR)(da n'intervìsta in sìm'a Nectart, 2015 ^[1])

«

... Nuètr a gh'òm, nuètr agìnt, la libertê ed metr el maṅ minga tant pròpia a 'l colp patî, mo piutòst a 'l só racòunt, a l'impresiòun che 'l noster servèl al s'è fat edl asidèint ch'a s'è capitê. Quand a dig «racòunt», a 'l dig in dal sèins teatrèl edla paròla. Al cristiàṅ ch'al còunta anc a sè stès quèl ch'a gh'è capitê, al cunsègna un racòunt ed figùri e 'd paròli. Qvand cal racòunt chè l'è fat pèrt cun quelchidùn èter, quand a s in descòr a un quelchidùn èter, dòunc al còunt 'l è fat sù d'in manéra ch'al la capìsa pròpia chelò, damànd ch'al fùs un pcunsèin ed teàter, ed romàṅś, ed film, ed ragiunamèint filośòfic mìs sù per chelò. Cal còunt chè per figùri e paròli al iùta a tirèr fóra al colp patî in dla realtê fìśica (na frida fìśica, 'n asidèint), in dla realtê psicològica (n'agresiòun sesuèla) o in dla realtê socèla (un masamèint 'd agìnt, na guèra, di patimèint socèl). Mo a gh'è di agìnt ch'i n'tośen mài in maṅ al racòunt edl asidèint patî e dòunca i armàgnen perśunér dal pasê. I ìn chi lavōr ch'i s pólen ciamèr el sìndromi psicotravmàtichi. Chilōr i biàsen ed contìnev la sfortùna ch'a gh'è tuchê, i gh'pèinsen dimòndi tèinp in dla giurnèda e la gh'torna anch indrē in di insògni edla nòt. Mèinter che invéci quī ch'i gh'próven e i riven a mèter maṅ ala rapreśentasiòun dal patimèint a travèrs la scritùra, na scenèta, na rècita teatrèla, n'elaborasiòun psicològica, filośòfica o polìtica, i tachen a capìr quèl ch'a gh'è capitê in n'ètra manéra, i s prepàren dal spàsi ed libertê e i mèten edla distànsa ala realtê. La rapreśentasiòun la permèt ed canbièr in na produsiòun artìstica na frida ch'l'a gh'è stèda in dla realtê.»

(CARPŚ)

Vōś lighèdi

Soquànti só publicasiòun

In francéś

"Mémoire de singe et paroles d'homme", ed. Hachette, 1983.
"Sous le signe du lien, ed. Hachette", 1989.
"La Naissance du sens, ed. Hachette", 1991.
"Les Nourritures affectives", ed. Odile Jacob, 1993.
"De la parole comme d'une molécule", con Émile Noël, ed. Seuil, 1995.
"L'Ensorcellement du monde", ed. Odile Jacob, 1997.
"La Naissance du sens", ed. Hachette Littérature, 1998.
"Dialogue sur la nature humaine", con Edgar Morin, ed. de l'Aube, 2000.
"Les Vilains Petits Canards", ed. Odile Jacob, 2001.
"Un merveilleux malheur", ed. Odile Jacob, 1999; re-edition in 2002.
"L'Homme, la Science et la Société", ed. de l'Aube, 2003.
"Parler d'amour au bord du gouffre", ed. Odile Jacob, 2004.
"Le Murmure des fantômes", ed. Odile Jacob, 2003; ed. Odile Jacob poches, 2005.
"La Petite Sirène de Copenhague", ed. l'Aube, 2005.
"De chair et d'âme", ed. Odile Jacob, 2006.
"Autobiographie d'un épouvantail", ed. Odile Jacob, 2008.
"Je me souviens...", ed. L'Esprit du temps, coll. "Textes essentiels", 2009; ed. Odile Jacob poches, 2010.
"Mourir de dire: La honte", ed. Odile Jacob, 2010.
"Quand un enfant se donne “la mort”", ed. Odile Jacob, 2011.
"Sauve-toi, la vie t'appelle", ed. Odile Jacob, 2012.
"Les âmes blessées", ed. Odile Jacob, 2014.
"Psychothérapie de Dieu", ed. Odile Jacob, coll. «OJ-Psychologie», 2017.

In ingléś

"Resilience: How your inner strength can set you free from the past", Tarcher, 2011.

In tedèsch

"Warum die Liebe Wunden heilt" ("Perchè 'l amōr al guarìs el fridi"), Beltz GmbH, 2006.
"Mit Leib und Seele" ("Col còrp e l'alma"), Hoffmann und Campe, 2007.
"Scham. Im Bann des Schweigens. Wenn Scham die Seele vergiftet" ("Vergògna. Sòta 'l incantéśim dal silèinsi. Quànd la vergògna la velèina l'àlma"), 2011.
"Rette dich, das Leben ruft!" ("Mètet in sèlev, la vìta la 't ciàma!"), Ullstein Buch Verlage GmbH, Berlin, 2013.

Noti e referèinsi

↑ (FR) N'intervìsta a 'l dutōr publichèda in dal 2015 in sìm'a 'l giurnèl Nectart, ed. de l'Attribut, Toulouse.

Èter progèt

Wikimedia Commons contiene file multimediali su Boris Cyrulnik

Colegamèint estèren

(FR) N'intervìsta a Boris Cyrulnik in sìm'a youtube.
(FR) Na lesiòun dal dutōr in sim'a 'l racòunt ed sè stès in dal youtube.
(FR) Na spiegasiòun dal só lìber Psychotérapie de Dieu in n'intervìsta in sìm'a youtube.
(FR) Na só lesiòun a l'universitê ed Nantes in dal youtube.
(FR) Na só conferèinsa insèm a Edgar Morin in dal youtube.

[1] (FR) N'intervìsta a 'l dutōr publichèda in dal 2015 in sìm'a 'l giurnèl Nectart, ed. de l'Attribut, Toulouse.

[1]