Back كاثرين سپاك ARZ Catherine Spaak AST Catherine Spaak Catalan Catherine Spaak German Κατρίν Σπάακ Greek Catherine Spaak English Catherine Spaak Spanish Catherine Spaak Basque کاترین اسپاک Persian Catherine Spaak Finnish

Catherine Spaak

C'l artìcul chè 'l è scrit in Miranduléś Emiliàn

La Spaak tòlta śò in dal 1962


«
Mi fai paura e abbasso gli occhi aspettando che mi perdoni e mi prendi fra le tue braccia, fra le tue braccia, sei prepotente come un bambino ma io so, so che se vuoi, sai esser tanto tanto buono.»
(IT)(Mi Fai Paura, 1964)
«
Ta m fà paùra e a 'rbàs i òć spetànd ch'ta m pardòṅ e ch'ta m tó fra i tò bras, at sē preputènt cuma 'n putèṅ ma mè a sò, a sò che s'at vō, at sà èsar dimóndi ma dimóndi bòṅ.»
(MUD)


La Catherine Spaak (Boulogne-Billancourt, 3 'd Avrìl dal 1945 - Róma, 17 'd Avrìl dal 2022) l'è stada n'atōra, cantànta, balarìna e cundutōra televiśìva bèlga naturaliśàda itagliàna.

In dla sò vita l'è stada spuśàda quàtar vòlti: cun 'l atōr Fabrizio Capucci ch'al gh'à dâ na fiōla ciamàda Sabrina abùda a darsèt an, cun Johnny Dorelli, pàd'r ad sò fiōl Gabriele, cun 'l architét Daniel Rey e cun Vladimiro Tuselli. La Catherine l'à patî dimóndi daspiaśēr in dla vita cuma quànd i giùdas, durànt un sò tintatìṿ ad scapàr via da l'Itàglia cun la sò sò putìna pìcula parchè minga cuntènta dal sò matrimòni, i gh l'aṅ purtàda via parchè „la fava l'atōra e dònca l'éra na dunàsa“[1].

Biugrafìa

Nada in Frància, la riva in Itàglia in dal 1960 ch'la n gh'iva gnanc daśdòt an e la rècita in Dolci inganni 'd Alberto Lattuada. Sèmp'r in di an Ssanta la firma par la Dischi Ricordi faghénd vgnir fóra soquànt sìngui cuma Mi fai paura e L'esercito del surf, qvést chè un sucès in dla clasìfica itagliàna. In dal 1964 la vins un Dàvid ad Dunatèl e la sò caréra a 'l cìnema la ciàpa 'l vōl cun di film cuma Il sorpasso ad Dino Risi, La noia ad Damiano Damiani e Oggi domani dopodomani ad Marco Ferreri. In séguit la lavóra anc par Pasquale Festa Campanile in Il marito è mio e l'ammazzo quando mi pare, Mario Monicelli in L'armata Brancaleone e incóra par Damiani in Una ragazza piuttosto complicata.

A 'l inìsi di an Stanta la s dà a 'l śal tulénd part a Il gatto a nove code ad Dario Argento e a La sedia a rotelle 'd Étienne Périer pò in dal 1976 la gira Febbre da cavallo, sucès ad Steno cun Gigi Proietti e Enrico Montesano.

In di an Utànta la gira pôc film ma la taca invéci a lauràr in televiśiòṅ faghénd Linea verde (1981), Forum (1985-1988) e Harem (1988-2002), talk-show in du l'intervistàva dal dóni su 'l sò divàṅ damascâ par pò far dū ciàcri anc cun 'n óm misterióś ch'al scultàva incòsa lugâ dadrē da na grada.

Filmugrafìa

La Catherine in na fóto in dal 1968
La Spaak in dal 1975

Discugrafìa

Àlbum

  • 1963 - Catherine Spaak
  • 1965 - Noi siamo i giovani...
  • 1970 - Promesse... Promesse... insém a Johnny Dorelli
  • 1973 - Toi et Moi insém a Johnny Dorelli
  • 1976 - Catherine Spaak
  • 1978 - Cyrano insém a Domenico Modugno
  • 2011 - U Spaak

Culegamènt estéran

Nòti

  1. ↑ Catherine Spaak, quàtar matrimòni e 'n arèst: la gh'è stada purtàda via la fiōla cun l'acùśa 'd «muralità dùbia» Il Corriere della Sera, 17 'd Avrìl dal 2022
From Wikipedia, the free encyclopedia · View on Wikipedia

Developed by Nelliwinne