Back Gene Simmons Afrikaans جين سيمونس Arabic جين سيمونس ARZ Gene Simmons AST جن سیمونز AZB Джийн Симънс (музикант) Bulgarian Gene Simmons Catalan Gene Simmons Czech Gene Simmons Danish Gene Simmons German

Gene Simmons

C'l artìcul chè 'l è scrit in Miranduléś Emiliàn

Simmons tòlt śò in dal 1977
Al sò truc


Chaim Weitz, cgnusû méj cuma Gene Simmons ma anc cuma Eugene Klein (Tirat Carmel, 25 'd Agóst dal 1949) 'l è 'n cantànt, basìsta e atōr iśraeliàṅ naturaliśâ americàṅ, cgnusû prinsipalmènt p'r ès'r òṅ di mémbar fundadōr dal grup hard rock di Kiss in du al gh'è sèmpar stâ da 'l inìsi esénd-'n al leader insém a 'l chitarìsta Paul Stanley méntar lò al sòna 'l bas. In di cuncèrt 'l è famóś p'r al sò nùmar dal „magna-fōg“ e par sbrudlàr sànguv par la bóca.

Al sò scutmàj 'l è Dèmun par via dal custùm e dla mascra ch'al s éra sarnî p'r al sò persunàǵ. 'L à scrit, da par lò o insém a di àtar, dimóndi sucès dal grup cuma Deuce, She, Rock and Roll All Nite, Unholy, I Love It Loud, Calling Dr. Love e She. In dal 2004 'l à fat vgnir fóra 'n disc sulìsta ciamâ Asshole scrit cun la culaburasiòṅ ad Bob Dylan, Dave Navarro, Richie Kotzen, Dweezil Zappa e Bruce Kulick.

Da i an Utànta 'l à tacâ anc na caréra da atōr tulénd part a soquànti pelìculi cuma Runaway (cun Tom Selleck prutagunìsta) e Morte a 33 giri insém a Ozzy Osbourne.

Gene 'l è bòṅ ad dascórar in tri léngui: ingléś, Iśraeliàṅ e Ungheréś, qvésti chè parchè 'l è ebrèj cun di urìgin magiàri (sò màdar Flóra l'è scampàda da 'n camp ad stermìni naśìsta). Al gh'à abû dal stòri 'd amōr cun la Cher e cun la Diana Ross prima 'd spuśàr-as cun l'èx cunìna 'd Playboy Shannon Tweed ch'la gh'à dâ dū fiōi, Nick e la Sophia.

Discugrafìa

Gene (al secónd da dèstra) in na fóto dal '76
Al basìsta insém a sò fiōl Nick
La linguàsa ad Gene

da par lò

  • 1978 - Gene Simmons
  • 2004 - Asshole

c'n i Kiss

  • 1974 - Kiss
  • 1974 - Hotter Than Hell
  • 1975 - Dressed to Kill
  • 1975 - Alive!
  • 1976 - Destroyer
  • 1976 - Rock and Roll Over
  • 1977 - Love Gun
  • 1977 - Alive II
  • 1978 - Paul Stanley
  • 1979 - Dynasty
  • 1980 - Unmasked
  • 1981 - Music From "The Elder"
  • 1982 - Creatures of the Night
  • 1983 - Lick It Up
  • 1984 - Animalize
  • 1985 - Asylum
  • 1987 - Crazy Nights
  • 1989 - Hot in the Shade
  • 1992 - Revenge
  • 1997 - Carnival of Souls: The Final Sessions
  • 1998 - Psycho Circus
  • 2009 - Sonic Boom
  • 2012 - Monster

Filmugrafìa

Culegamènt estéran

From Wikipedia, the free encyclopedia · View on Wikipedia

Developed by Nelliwinne