Lorella Cuccarini

C'l artìcul chè 'l è scrit in Miranduléś

«

L'ascensore salirà sopra i tetti di città, c'è qualcuno che mi aspetta: Sugar Sugar. Sembra un angelo e chissà perché ali lui non ha, io lo chiamo solamente Sugar Sugar.»

(IT)(EN)(Sugar Sugar, 1985)

«

'L asinsōr al salirà insìma a i téǵ dla sità, a gh'è qualchidòṅ ch'al m aspèta: Sùcar Sùcar. Al pâr 'n àngil e giusà parchè dgl'ali al n gh 'n à minga, mè a 'l ciàm Sùcar Sùcar.»

(MUD)

La Lorella Cuccarini (Róma, 10 'd Agóst dal 1965) l'è na cantànta, atōra, balarìna, showgirl e cundutōra televiśìva itagliàna. L'è cgnusùda cuma „La più amàda par gl'itagliàṅ“ o anc cuma „Balarìna suvranìsta“^[1]^[2]^[3]. Da 'l 1994 l'è la madrìna dal prugràma Trenta ore per la vita par catàr sù di fónd da dar in beneficénsa^[4].

Fra 'l sò canti più famóśi a 'rcurdém Sugar sugar, La notte vola e Liberi liberi.

Caréra

Nutàda da śōvna par Pippo Baudo, a la mità di an Utànta chi lò al la vōl sèg par tōr part a i spetàcui dal sàbat sira Fantastico 6 e Fantastico 7 in du la bala e la canta a 'l pòst dl'Heather Parisi. In séguit la pasa a la Fininvest in du l'è prutagunìsta 'd Odiens insém a la Sabrina Salerno e pò 'd Paperissima e 'd Buona domenica cun Marco Columbro. In séguit la preśénta, sèmpar su Canale 5, àtar prugràma cuma Il galà della pubblicità, Natale in Vaticano, A tutta festa, Modamare a Taormina e Stelle a quattro zampe. La tórna in Rai in dal 2010.

A 'l cìnema l'à fat la cumpàrsa in dal film fantàstic Star Trek: L'insurrezione.

Discugrafìa

1986 - Lorel
1993 - Voci
1995 - Voglia di fare
2002 - Le più belle canzoni
2017 - Nemicamatissima

Filmugrafìa

1998 - Star Trek: L'insurrezione (Star Trek: Insurrection), regìa ad Jonathan Frakes

Culegamènt estéran

(IT) Al sò sit ufisiàł

Nòti

↑ L'Heather Parisi incóra cóntar la Lorella Cuccarini: "Dòp la balarìna suvranìsta, la balarìna maître à penser" La Repubblica, 5 ad Mars dal 2019
↑ Cuccarini upiniunìsta dla dméndga: mè balarìna suvranìsta a dig abàsta a i migrànt Alto Molise, 17 ad Śnar dal 2019
↑ Lorella Cuccarini, 50 an par la più amàda par gl'itagliàṅ Ansa, 6 'd Agóst dal 2015
↑ Strabùc dla Lorella Cuccarini: “Prima dal 2018 in Itàglia a n s vutàva briśa da 10 an” FanPage, 5 ad Mars dal 2019

[1] L'Heather Parisi incóra cóntar la Lorella Cuccarini: "Dòp la balarìna suvranìsta, la balarìna maître à penser" La Repubblica, 5 ad Mars dal 2019

[2] Cuccarini upiniunìsta dla dméndga: mè balarìna suvranìsta a dig abàsta a i migrànt Alto Molise, 17 ad Śnar dal 2019

[3] Lorella Cuccarini, 50 an par la più amàda par gl'itagliàṅ Ansa, 6 'd Agóst dal 2015

[4] Strabùc dla Lorella Cuccarini: “Prima dal 2018 in Itàglia a n s vutàva briśa da 10 an” FanPage, 5 ad Mars dal 2019

[1]

[2]

[3]