Marilyn Manson

Marilyn Manson, pseudònim ad Brian Hugh Warner (Canton, 5 ad Śnar dal 1969), 'l è 'n cantànt e atōr americàṅ, famóś p'r ès'r al frontman dna banda 'd industrial metal dla Flòrida nada in dal 1989 c'n al nóm ad Marilyn Manson & the Spooky Kids, pò scurtâ in Marilyn Manson in dal 1992.

'L à sarnî 'l sò nóm pinsànd a la Marilyn Monroe e a 'l masadōr seriàł Charles Manson. Al s pòrta adrē al scutmàj ad Prevòstar. I sò vìddeo i èṅ stâ da spés cinsurâ da 'l televiśiòṅ, cuma qvél ad s(AINT) girâ par l'Asia Argento, o traśmìs tard a la nòt quànd i baghét i èṅ tut a lèt^[1]. La Céśa Catòlica la gh'à dâ da spés cóntar^{[2] [3] [4]}.

Gl'àtar mémbar dal grup i èṅ Paul Wiley a la chitàra, Twiggy Ramirez a 'l bas e Gil Sharone a la baterìa.

Al grup 'l à vindû da piò ad sinquànta migliòṅ ad disc in tut al mónd faghénd vgnir fóra ùnd'ś àlbum (quàtar multi-plàtin e dū 'd òr). Al sucès par lōr al riva c'n al sò secónd lavōr, Antichrist Superstar, anc par via dal sìngul The Beautiful People. In dal 1998 al disc Mechanical Animals, dal gènar glam rock, al finìs drit a 'l prim pòst dla Billboard acsè cuma The Golden Age of Grotesque dal 2003 ch'l arcòrda l'entartete Kunst pruibìda in dla Germâgna naśìsta.

I aṅ scrit dimóndi pès par dal culòni sunóri ad film cuma Long Hard Road Out of Hell par Spawn, Apple of Sodom par Strade perdute, Rock Is Dead par Matrix, Suicide Is Painless par Il libro segreto delle streghe - Blair Witch 2, Break You Down par Dracula's Legacy - Il fascino del male, Valentine's Day par Valentine - Appuntamento con la morte, The Nobodies par La vera storia di Jack lo squartatore, La La Song par Party Monster, This Is the New Shit par The Matrix Reloaded, Dried Up, Tied and Dead to the World par La maschera di cera, Irresponsible Hate Anthem par Saw II e àt'r incóra.

• 1994 - Portrait of an American Family
• 1996 - Antichrist Superstar
• 1998 - Mechanical Animals
• 2000 - Holy Wood (In the Shadow of the Valley of Death)
• 2003 - The Golden Age of Grotesque
• 2007 - Eat Me, Drink Me
• 2009 - The High End of Low
• 2012 - Born Villain
• 2015 - The Pale Emperor
• 2017 - Heaven Upside Down
• 2020 - We Are Chaos
• 2024 - One Assassination Under God - Chapter 1

• 1995 - Smells Like Children
• 1997 - Remix & Repent

• 1999 - The Last Tour on Earth

• 2004 - Lest We Forget: The Best Of

• 1997 - Strade perdute (Lost Highway), regìa ad David Lynch
• 1999 - Amiche cattive (Jawbreaker), regìa ad Darren Stein
• 2002 - Bowling a Columbine (Bowling for Columbine), regìa ad Michael Moore
• 2003 - Party Monster, regìa ad Fenton Bailey e 'd Randy Barbato
• 2004 - Ingannevole è il cuore più di ogni cosa (The Heart Is Deceitful Above All Things), regìa dl'Asia Argento
• 2007 - La setta delle tenebre (Rise: Blood Hunter), regìa ad Sebastian Gutierrez
• 2013 - Wrong Cops, regìa ad uentin Dupieux
• 2015 - Street Level, regìa ad David Labrava
• 2016 - Let Me Make You a Martyr, regìa ad Corey Asraf e 'd John Swab

• (EN) Al sò sit ufisiàł