Pink Floyd

C'l artìcul chè 'l è scrit in Miranduléś

«

Hey you, out there in the cold getting lonely, getting old, can you feel me? Hey you, standing in the aisles with itchy feet and fading smiles, can you feel me? Hey you, don't help them to bury the light, don't give in without a fight, hey you, out there on your own, sitting naked by the phone, would you touch me?»

(EN)(Hey You, 1979)

«

Vê tè, lè fóra a 'l fréd ch'ta t sènt da par tè, sinténd-at vèć, gh la câv-'t a sintìr-um? Vê tè, in pē in dla cursìa cun la spiùra sóta i pē e 'n surìś śbiàvad, gh la câv-'t a sintìr-um? Vê tè, minga jutàr-i a saplìr la luś, minga dar-ag sù sénsa cumbàtar, vê tè, lè fóra par tò cònt, sintâ nûd a 'l telèfun, vrév-at tucàr-um?»

(MUD)

I Pink Floyd 'l è stâ 'n grup muśicàł rock britànic mis sù in dal 1965 a Lóndra da 'l cantànt e chitarìsta Syd Barrett, da 'l basìsta Roger Waters, da 'l baterìsta Nick Mason e da 'l tastérista Richard Wright. In dal 1967 a s è śuntâ anc al chitarìsta e cantànt David Gilmour ch'in séguit 'l à tòlt al pòst ad Barrett ch'al s éra śluntanâ piàn piàṅ da la banda par via di sò prubléma 'd dròga. In dal 1985 'l è andâ via anc Waters, cun chi àtar tri che però, a déta di giùdas, i aṅ psû tgnir al nóm in fiṅ a 'l 1995 quànd i Pink Floyd i gh'aṅ dâ sù definitivamènt.

In dla sò caréra i an publicâ di àlbum dimóndi impurtànt par la stòria dal rock psichedèlig e prugresìṿ cuma The Dark Side of the Moon e The Wall e vindû da piò ad duśènt-sinquantamìla disc in tut al mónd.

Fra i sò pès più famóś a 'rcurdém Another Brick in the Wall, Hey You, Have a Cigar, Wish You Were Here, Money e Learning to Fly.