Back Antroposofisk Selskab Danish Allgemeine Anthroposophische Gesellschaft German Anthroposophical Society English Société anthroposophique universelle French Società Antroposofica Italian アントロポゾフィー協会 Japanese Antroposofische Vereniging Dutch Towarzystwo Antropozoficzne Polish Sociedade Antroposófica Portuguese Societatea Antroposofică Romanian
| Antropozofia Societo | ||
|---|---|---|
volontula asocio 
| ||
| Komenco | 1923 vd | |
| Antaŭe | Q23978560 vd | |
| Sidejo | Dornach | |
| Fondinto(j) | Rudolf Steiner vd | |
| Retejo | Oficiala retejo | |
| Jura formo | asocio (Svislando) | |
La (nuna) Antropozofia Societo, ankaŭ Ĝenerala Antropozofia Societo (germane Anthroposophische Gesellschaft respektive Allgemeine Anthroposophische Gesellschaft, mallonge AAG, angle Anthroposophical Society, france Société anthroposophique universelle, nederlande Antroposofische vereniging) fondiĝis dum la jaro 1923 fare de Rudolf Steiner, la fondinto de la filozofio de antropozofio, por la subteno de la "esploro sur spirita tereno" kaj kiel organiza fundamento de la samtempe fondita Libera Altlernejo por Spiritoscienco (germane Freie Hochschule por Geisteswissenschaft). Antaŭa organizaĵo samnoma (vidu sube) jam ekzistis ekde la jaro 1913.
Laŭ la memkompreno de la societo temas pri "komunumo de homoj, kiuj konvinkitas, ke la taskoj, kiun postulas la nuntempo kaj estonto, nur solveblas per spirita profundiĝo de la vivo". Tiun profundiĝon provizo la filozofio de antropozofio de Rudolf Steiner. Sidejo de la Societo estas la kunvenejo Goetheanum en Dornach (Svislando).
Celo de la Libera Altlernejo laŭ la intenco de Rudolf Steiner estu la "esploro sur spirita tereno", celo de la societo la ebligo de tia esploro kaj la flegado de la anima vivo en la unuopaj homoj samkiel en la socio baze de tiu spirita esploro. Ĉar Rudolf Steiner jam dum la fondaj celebraĵoj grave malsaniĝis kaj mortis dum 1925, sen ke iu posteulo kiel "spirita esploristo" vere plenigis lian lokon, multo el tiuj intencoj restis neplenumita programo.