Back الجمعية الفلكية في منطقة المحيط الهادئ Arabic Astronomical Society of the Pacific Catalan Pacifická astronomická společnost Czech Astronomical Society of the Pacific German Astronomical Society of the Pacific English Sociedad Astronómica del Pacífico Spanish Vaikse Ookeani Astronoomiaselts Estonian Astronomical Society of the Pacific Basque Astronomical Society of the Pacific French Società astronomica del Pacifico Italian
| Astronomia Societo de Pacifiko | ||
|---|---|---|
| ||
| organizaĵo akademia eldonejo 
| ||
| Komenco | 1889 vd | |
| Lando(j) | Usono vd | |
| Situo | San-Francisko | |
| Posedata de | Astronomer's Telegram vd | |
| Retejo | Oficiala retejo | |
La Astronomia Societo de Pacifiko (angle Astronomical Society of the Pacific, akronime ASP) estas soci-utila scienca kaj eduka organizaĵo establita en San-Francisko en 1889 [1]. Ĝi havas la juran statuson de neprofitcela organizaĵo kaj estas la plej granda astronomia societo en la mondo kun membroj en pli ol 40 landoj tutmonde [2].
La organizaĵo subtenas astronomian edukadon kaj eldonas la popularan astronomian revuon Merkuro [3] [4]. Ĝi ankaŭ eldonas la sciencan revuon Publications of the Astronomical Society of the Pacific ekde 1899 kaj la konferencajn aktojn Astronomical Society of the Pacific Conference Series, aŭ mallonge ASP Conference Series, ekde 1988.
La celo de ASP estas instigi kaj promocii publikan intereson en astronomio kaj pliigi sciencan legopovon per publikaĵoj, retejo, kaj multaj instruaj kaj atingoprogramoj, inkluzive de [5]:
- Projekto ASTRO estas nacia programo, kiu plibonigas la kvaliton de instruado de astronomio kaj fiziko kunigante amatorajn kaj profesiajn astronomojn;
- ASTRO Family, projekto kiu uzas rimedpakaĵojn kaj ludojn por helpi familiojn lerni astronomion en sia libertempo, celas astronomojn, instruistojn kaj komunumajn gvidantojn;
- Astronomy from the Ground Up estas nacia programo celanta edukistojn ĉe sciencmuzeoj, naturcentroj, kaj mediedukaj organizaĵoj por krei aŭ vastigi astronomiajn edukprogramojn;
- La Nokta Ĉiela Reto, komuna programo kun la Jet Propulsion Laboratory, atingas pli ol 200 usonajn astronomiajn klubojn kaj provizas ilin per informmaterialoj kaj trejnadhelpo.
Astronomiaj instrumaterialoj (multaj evoluigitaj fare de Society-fakultato) estas venditaj en retaj butikoj aŭ haveblaj senpage tra la retejo de la Societo.
La Prezidantoj de la Societo estis tiaj famaj astronomoj kiel E. S. Holden, Edwin Hubble, George Abell, Frank Drake, Lewis J. Henyi, George Pardee (poste la 21-a Guberniestro de Kalifornio ), kaj aliaj.
La ekstera ĉefa zono asteroido (2848) ASP estas nomita laŭ la organizaĵo.
- ↑ Bracher, Katherin (1989), The Stars for All: A Centennial History of the Astronomical Society of the Pacific, San Francisco, California: Astronomical Society of the Pacific, p. 18, https://astrosociety.org/who-we-are/about-us/history/history.html, retrieved 2023-05-07.
- ↑ The First National Astronomy Organization in the U.S.. CosmoQuest (6a de Februaro 2009).
- ↑ Mercury magazine. Astronomical Society.
- ↑ Mercury Online. Astronomical Society.
- ↑ ASP Education and Outreach Programs. ASP.