Bioindikilo

Bioindikilo (ankaŭ nomata indikospecio) estas besto- aŭ plantospecio, kies troviĝo aŭ manko inter certaj limoj indikas ekzemple humidecon, lumon, varmon, pH-parametron, nutrosubstancajn rilatojn de la grundo kaj ankaŭ la akvo- aŭ aerpolucion. Iliaj mezureblaj metabolaj produktoj ankaŭ estas nomataj biomarkiloj. La indikvaloro de bioindikilo estas des pli granda, ju pli sensive la specio reagas al ŝanĝiĝoj de la eksteraj influoj. Valoras la uzo de bioindikiloj per tio, ke ĝi ŝparas mezuradojn kaj ekzamenadojn, kiujn oni ordinare devus fari dum evidente pli longaj periodoj.