Chrysler Crossfire

Chrysler Crossfire
modelo de aŭtomobilo
Produktanto	Chrysler
Produktkvanto	76 014[1]
Produktata	2003-2007
Produktejo	Osnabrück (Karmann)
Dezajnisto	Eric Stoddard
Motoro kaj transmisio
Motoro	M112 E32 (V6) M112 E32 ML (V6)
Transmisio	5-rapiduma aŭtomata 6-rapiduma mana
Pezo kaj povumo
Pezo	1 365 - 1 509 kg
Povumo	218 - 335 CP (160 - 246 kW)
Akcelo	De 0 al 100 km/h en 5 - 6.5 sekundoj
Maksimuma rapideco	250 km/h
Averaĝa konsumo	10.4 L / 100 km
Ĉasio kaj karoserio
Karoserio	Duporda kupeo Duporda rodstero
Ĉasio	Ŝtala unuŝelo
Bremso	Hidraŭlika kun ventolitaj diskoj antaŭe, plenaj diskoj malantaŭe
Dimensioj
Longeco	4 058 mm
Larĝeco	1 766 mm
Alteco	1 307 kaj 1 315 mm
Volumo de pakaĵujo	190 dm3
v • d • r

Chrysler Crossfire estas sporta aŭtomobilo surmerkatigita de la usona veturilfabrikanto Chrysler. Produktita de 2003 ĝis 2007, la modelo ekzistas en kupea kaj rodstera variantoj.

En januaro 2001, dum la Nordamerika Internacia Aŭtospektaklo de Detrojto, Chrysler malkaŝis sian novan konceptan aŭtomobilon kromnomatan « Crossfire ». Unu jaron poste, la fabrikanto prezentis la komercan version de la kupeo okaze de la Aŭtospektaklo de Los-Anĝeleso. Desegnita de Eric Stoddard, la modelo distingiĝas pro sia nekutima kaj nostalgia stilo, kiu karakterizas novan strategion de Chrysler kune kun la aliaj modeloj PT Cruiser, Pacifica kaj 300C. La Crossfire cetere estas la unua sporta aŭtomobilo kaj duseĝa kupeo kreita de Chrysler ekde la modelo TC Maserati. Ĝi celis renovigi la bonfamon de la usona firmao.

Rekta rezulto de la ĵus okazinta kunfandiĝo de Daimler-Benz kaj Chrysler, la Crossfire estis reklamita kiel « alianco de mondranga teknologio kun moderna, pasia amerika stilo ». Konstruita en la fabrikejoj de Karmann en Osnabrück (Germanio), ĝi reuzis la ĉasion de la unua versio de la SLK de Mercedes-Benz, sed ankaŭ ĝian 6-cilindran motoron de 3.2 litroj kaj 218 ĉevalpovoj, jam ekipantan la SLK 320.

Dum la kvinjara surmerkatigo de la Crossfire, pluraj novaj variantoj aperis, inkluzive de rodstero kaj de pli potenca modelo nomata SRT-6, kun povumo de 335 CP. Produktado ĉesis en decembro 2007, post la vendo de 76 014 ekzempleroj entute. Neniu modelo sukcedis ĝin.

1. ↑ Chrysler Crossfire Gets Modern Makeover In Photoshop (angle).