Decembro de 2024

Jen listo de okazaĵoj en decembro 2024:

2-a de decembro 2024

• En Sirio koalicio de islamistaj armitaj grupoj reprenis la urbon Alepo.
• Tumulta amashoma lavango dum futbalmatĉo en Nzerekore, Gvineo, rezultas en pli ol 56 mortoj, inter kiuj kelkaj de infanoj.
• En Kartvelio protestoj okazas pro la decido de la registaro frostigi la intertraktadojn por aniĝi al EU.

3-a de decembro 2024

• Sudkorea prezidanto Jun Sok-jol deklaris militleĝon, nuligitan kelkajn horojn poste rezulte de unuanima voĉdonado de la Nacia Asembleo.

6-a de decembro 2024

• La konstitucia kortumo de Rumanio nuligis la unuan raŭndon de la prezidenta elekto, klariginte tion per grandskala kontraŭleĝa sistemo de propagando favore al kandidato Călin Georgescu ĉe la retplatformo TikTok.

7-a de decembro 2024

• En Cité Soleil, Haitio, krimbando murdis pli ol 180 maljunulojn pro sorĉakuzoj.

8-a de decembro 2024

• En Sirio koalicio de islamistaj armitaj grupoj atingis Damaskon kaj likvidis la reĝimon de Baŝar al-Asad, fuĝinta al Rusio.

10-a de decembro 2024

• Israelo bombardas militcelojn tra Sirio kaj invadas liman bufrozonon (de la milito de 1973) kaj la sirian flankon de la Monto Hermono.

12-a de decembro 2024

• La 18-jaraĝa grandmajstro Domaraju Gukeŝ de Barato gajnis la Mondan Ŝakĉampionecon de 2024, post venki la mondĉampionon Ding Liren de Ĉinio. Li estas la plej juna ŝakludisto kiu venkis en la mondĉampioneco (CNN, FIDA, anoncoj en la angla).

13-a de decembro 2024

• Prezidento Emmanuel Macron nomumis François Bayrou kiel ĉefministron de Francio.

14-a de decembro 2024

• La Nacia Asembleo voĉdonis favore al la elpostenigo de la prezidanto Jun Sok-jol post lia anonco de militleĝo. Rezulte la ĉefministro Han Duck-soo fariĝas portempa prezidanto.

16-a de decembro 2024

• Majoto estis trafita de ciklonego Chido kaj laŭtakse plurcentoj da homoj mortis.
• Israelo plue bombardas militcelojn tra Sirio kaj planas reloĝigi nove invaditan zonon.

20-a de decembro 2024

• Kontraŭislama civitano de Sauda Arabio tretis per aŭto partoprenintojn de Kristnaska foiro en Magdeburgo (Germanio) — 5 homoj pereis, pli ol 200 estis vunditaj.

24-a de decembro 2024

• En sia kristnaska parolado Henriko, la Grandduko de Luksemburgio anoncis, ke li abdikos la tronon favore al sia filo, kronprinco Guillaume (bildigita), kiu estos la sekva monarko de Luksemburgio (GB News (angle))
• La aŭtoproduktantaj firmaoj Honda kaj Nissan kunfandiĝos en unu firmaon antaŭ la fino de 2026.

25-a de decembro 2024

• Tumulto en prizono de Maputo, Mozambiko, rezultis en 33 mortoj kaj 1 500 fuĝintoj, kun rezultanta ĥaoso en la urbo.
• Aviadilkraŝo de Azerbaijan Airlines en Kazaĥio rezultis en 38 mortoj.

27-a de decembro 2024

• Nur du semajnojn post lia enposteniĝo, la Nacia Asembleo voĉdonis favore al la elpostenigo de la portempa prezidanto Han Duck-soo. Sekve Choi Sang-mok enposteniĝis.

29-a de decembro 2024

• Aviadilkraŝo de Boeing 737-800 de Jeju Air en Muan, Sud-Koreio okazigis 179 mortojn, dum nur du enaviadilaj personoj survivis.