Back Tweede Oorgangstydperk van Egipte Afrikaans Zweite Zwischenzeit (Ägypten) ALS የግብጽ ሁለተኛ ማዕከለኛ ዘመን Amharic فترة مصرية انتقالية ثانية Arabic عصر الاضمحلال التانى ARZ İkinci aralıq dövr (Misir) Azerbaijani ایکینجی آرا دؤنم AZB Другі пераходны перыяд (Егіпет) Byelorussian Втори преходен период на Древен Египет Bulgarian Eil marevezh etre Henegipt Breton
La Dua Meza Periodo aŭ Dua Intertempo markas periodon kiam Antikva Egiptio falis en malordon duafoje, inter la fino de la Meza Imperio kaj la komenco de la Nova Imperio. La epoko datiĝas proksimume inter la jaroj 1640 kaj 1570 antaŭ nia erao, kaj inkluzivas la dektrian ĝis deksepan dinastiojn de Antikva Egiptio.
La epoko plej konatas kiel la periodo de plipotenciĝo de la enmarŝintaj Heka Ĥasut (egipte 𓋾𓈎𓈉 ḥqꜣ-ḫꜣswt, Heka-ĥasut, greke Ύκουσσώς, Hikussos, latinigite Hyksos, esperante ili laŭ PIV nomatas Hiksosoj), grupoj de ŝemidaj enmigrintoj, kiuj inter la jaroj 1719 kaj 1692 antaŭ Kristo invadis Egiption kaj armee estis tre sukcesaj pro uzo de la novaj militiloj ĉevaloj, batalĉaroj kaj pafarkoj. La Heka Ĥasut komence okupis la orientan Nildelton, deklaris la urbon Avaris (egipte Hut-waret, greke Αὔαρις) sian ĉefurbon, iom post iom konkeris pli da teritorio, ĝis ili kontrolis la tutan Suban Egiption kaj konsistigis la dekkvinan dinastion. Ĉirkaŭ la jaro 1560 ili forpeliĝis el Egiptio.