Edgar von Wahl

Edgar von Wahl
Persona informo
Naskiĝo	11-an de aŭgusto 1867 (1867-08-11) en Olviopol, Ĥersona gubernio,  Rusia Imperio
Morto	9-an de marto 1948 (1948-03-09) (80-jaraĝa) en Talino
Lingvoj	Esperanto • Okcidentalo • Ido • germana • rusa • estona • franca
Ŝtataneco	Estonio (1918–) Rusia Imperio (–1918)
Alma mater	Sankt-Peterburga Ŝtata Universitato Rusia Akademio de Belartoj
Familio
Patro	Oskar von Wahl (en)
Patrino	Lydia Amalie Marie von Husen
Okupo
Okupo	lingvisto instruisto idisto esperantisto politikisto
Esperanto
Esperantisto numero	932
v • d • r

Edgar VON WAHL [edgar fon val] aŭ Edgar de WAHL (naskiĝis la 11-an de aŭgusto, laŭ la julia kalendaro, 1867 en Ukrainio, mortis la 9-an de marto 1948 en Estonio) estis balta-germana instruisto de matematiko kaj fiziko en la Supera Reallernejo kaj oficiro de la Rusa Milita Maristaro. Edgar de Wahl estas unu el la ĉefaj pioniroj de Esperanto kaj tradukis en 1896 la verkon "Princidino Mary" (parte aperinta antaŭe, en 1889, kiel "Princino Mary"), de M. Lermontov. Post 1894, kiam granda parto de la esperantistaro neis reformon por Esperanto, li forlasis la esperantan movadon kaj en 1922 prezentis projekton por nova planlingvo, Okcidentalo.