Back Felix Mendelssohn Afrikaans Felix Mendelssohn Bartholdy ALS Felix Mendelssohn Bartholdy AN فيلكس مندلسون Arabic فيلكس مندلسون ARZ Felix Mendelssohn AST Felix Mendelssohn Aymara Feliks Mendelson Bartoldi Azerbaijani Феликс Мендельсон Bashkir Фелікс Мендэльсон Byelorussian
Jakob Ludwig Felix MENDELSSOHN BARTHOLDY [JAkop LUDviŝ FEliks MENdelszon barTOLdi], denaske kaj pli ĝenerale konita kiel Felix MENDELSSOHN (n. la 3-an de februaro 1809 en Hamburgo - m. la 4-an de novembro 1847 en Lepsiko) estis germana komponisto, pianisto kaj orkestrestro de la frua romantikisma periodo. Li estis la nepo de la filozofo Moses Mendelssohn kaj naskiĝis ene de la bonstata, juda familio Mendelssohn, kiu poste konvertiĝis al kristanismo. Inter liaj tre diversaj verkoj estas simfonioj, konĉertoj, oratorioj, piano-muzikaĵoj kaj ĉambra muziko.
Post longa periodo de malpopulariĝo pro la ŝanĝemaj muzikaj modoj kaj la kontraŭjudismo de la komenco de la 20-a jarcento, la originaleco kaj kreemo de Felix Mendelssohn Bartholdy estas hodiaŭ denove agnoskitaj. Li nun viciĝas inter la plej konataj kaj popularaj komponistoj de la romantikisma epoko. Mendelssohn estas cetere kaj kutime rigardita kiel la definitiva remalkovrinto de la verkoj de Johann Sebastian Bach.