Back فعل الخير Arabic Filantropía AST Filantropija BS Filantropia Catalan چاکەکاری CKB Filantropie Czech Filantropiô CSB Philanthropie German Φιλανθρωπία Greek Philanthropy English
Filantropio, kiel neologismo kaj internacia termino, kaj Bonfarado kiel esperantlingva kunmetaĵo, konsistas el "privataj iniciatoj, por la publika bono, fokuse al la vivokvalito".[1] Filantropio tiel kontrastas kun la iniciatoj por negocoj, kiuj estas privataj iniciatoj por la privata bono, fokuse al la materia akiro, kaj kun la registaraj devoj, kiuj estas publikaj iniciatoj por la publika bono, ekz., fokuse al la havigo de publikaj servoj.[2] La persono kiu praktikas filantropion estas filantropo aŭ bonfaranto.
La vorto filantropio originas el la greka lingvo: la greka vorto φιλανθρωπία (filantrōpía) konsistas el la eroj φίλος fílos ‚amiko‘ kaj άνθρωπος (ántrōpos) ‚homo‘. Tiel filantropio signifas “amo al la homaro”. Tio estas komprenata kiel seninteresa helpo al la aliuloj. Ties antonimo estas mizantropeco.
La donacoj al bonfaraj organizoj, personoj, komunumoj, aŭ ĝenerale helpo al aliuloj, ĉu rekte aŭ tra Ne-registaraj organizaĵoj kun ne enspezaj celoj, same kiel la laboro de volontulo por helpi instituciojn kiuj havas la specifan celon helpi la homojn kaj plibonigi iliajn vivojn, estas konsiderataj filantropiaj agoj, kondiĉe ke tiuj ne celu al ekonomiaj interesoj.
Filantropio estas diferenca el karitato, kvankam esta ioma koincido. Karitato celas mildigi la malbonon de partikulara socia problemo, dum filantropio celas fronti la radikon kiu okazigas la problemon.[3][4][5][6]
- ↑ En PIV filantropio estas "Amo al la homoj, bazita nek sur religia nek sur politika principo, k efektiviĝanta en praktika helpado". NPIV Alirita la 4an de junio 2020.
- ↑ Robert McCully. Philanthropy Reconsidered (2009) p 13
- ↑ "Is There A Difference Between Charity and Philanthropy?". Arkivigite je 2020-06-04 per la retarkivo Wayback Machine Alirita la 4an de junio 2020.
- ↑ "Charity vs. Philanthropy". Alirita la 4an de junio 2020.
- ↑ Lisa M. Dietlin (24a de aŭgusto 2011). Transformational Philanthropy: Entrepreneurs and Nonprofits. Jones & Bartlett Publishers. pp. 259–. ISBN 978-1-4496-6761-0. Alirita la 4an de junio 2020.
- ↑ Helmut K. Anheier; Diana Leat (18a de aprilo 2006). Creative Philanthropy: Toward a New Philanthropy for the Twenty-First Century. Londono: eldonejo Routledge. paĝoj 19 kaj sekvaj. ISBN 978-1-134-19765-1. Alirita la 4an de junio 2020.