Jackie Mittoo

Jackie Mittoo
Persona informo
Naskonomo	Donat Roy Mittoo
Naskiĝo	3-an de marto 1948 (1948-03-03) en Brown's Town
Morto	16-an de decembro 1990 (1990-12-16) (42-jaraĝa) en Toronto
Mortokialo	Kancero
Lingvoj	angla
Ŝtataneco	Jamajko
Okupo
Okupo	muzikisto pianisto kantoverkisto muzikproduktisto diskografa artisto
v • d • r

Donat Roy Mittoo (3a de Marto 1948 – 16a de Decembro 1990), pli bone konata kiel Jackie Mittoo,^[1] estis jamajk-kanada klavaristo, kantoverkisto kaj muzika direktoro.^[2] Li estis membro de The Skatalites kaj muzika direktoro de la registromarko Studio One.^[3]

En la 1960-aj jaroj, li estis membro de The Skatalites, The Sheiks, The Soul Brothers, The Soul Vendors kaj Sound Dimension.^[2] La komponoj de Mittoo en tiu periodo estis "Darker Shade of Black", "Feel Like Jumping", kaj "Baby Why". Li ludis kun Lloyd "Matador" Daley en 1968 kaj 1969.

Meze de la 1970-aj jaroj, li elmigris al Toronto, Ontario, Kanado. Tie li registris tri albumojn, Wishbone (Summus), Reggae Magic (CTL) kaj Let's Put It All Together (CTL). En 1970, lia kanto "Peanie Wallie" estis rekompnita en kanto nomita "Duppy Conqueror" kaj registrita de The Wailers.^[3] La kanto de Mittoo nome "Wishbone" estis sukceso en 1971.

En la 1980s-aj jaroj, li ofte laboris kun Sugar Minott. En 1985, li veturis al Ganao kun la brita bando Musical Youth, kaj tie li registris kantojn kiuj poste estis publikigitaj en la albumo Jackie Mittoo in Africa.^[4]

1. ↑ ReggaeCollector.com - Jackie Mittoo's Profile. Alirita 6a de Oktobro 2019 .
2. ↑ ^{2,0 2,1} Colin Larkin, eld. (1997). The Virgin Encyclopedia of Popular Music (Concise ed.). Virgin Books. p. 858. ISBN 1-85227-745-9.
3. ↑ ^{3,0 3,1} Jackie Mittoo | Biography & History. Alirita 6a de Oktobro 2019 .
4. ↑ Campbell, Howard (2015) "New voyage for Jackie Mittoo in Africa Arkivigite je 2016-09-18 per la retarkivo Wayback Machine", Jamaica Observer, 29a de Marto 2015. Alirita la 30an de Marto 2015